Ikigai Concepts (已結業)

一家人專誠去食日本野做午餐，諗住食得開開心心啦，每位平均盛惠$300，收中環價錢唔緊要，可惜價錢貴得來，食物質素不算標青之餘，服務竟然差差差，尤其是有位男經理打扮的人，我哋點餐茶時，佢態度極不耐煩，單手攞住個餐牌黑面兼斜睥，「等」住落柯打，講嘢冇尾音咁重複柯打，又黑口黑面。好多平價快餐店阿姐啲服務都好過佢！唔鍾意咪做囉，疫情下市道咁差，使唔使咁呀？話哂自命「高級」日本料理。得個「樣」。一定冇下次囉。餐廳仲掛住「試業中」個牌，真係祝福你！