響 - Hibiki 日本燒肉 (已結業)

兩口子辛苦搵來志在食，再加上係生日月，但係有選擇性困難嘅我又想食日式燒肉、又想食魚生刺身、天婦羅等等等等嘅日式放題，好彩朋友介紹左呢間既有日式燒肉又係日式放題，兼且有紅白酒清酒啤酒汽水任飲嘅日本餐廳俾我，等我呢個選擇性困難嘅人同時可以滿晒食燒肉、食日式放題同盡情暢飲嘅三個願望。依間餐廳裝修好有日本風味，而且座位比一般嘅日式放題店的「對食」長枱舒適得多，堅係俾人置身日本烤肉店咁舒服。雖然Book咗位但係可能因為八點鐘係黃金時段太多人book，我哋都要等左10來分鐘才安排到入座，係等位期間就比我完全感覺到店員非常之有禮待客、笑容可恭，就算要等每位客人都好樂意去等，真係值得一讚！安排入座後，店員亦很細心地向大家介紹餐廳會先安排燒肉、海鮮拼盤，同魚生刺身拼盤俾大家試吓喜歡食邊一款先再追加都唔遲！首先出場嘅係有海膽刺身嘅刺身拼盤，海膽真係非常鮮甜，口感一流，另外仲有三文魚甜蝦油甘魚帶子及八爪魚等等嘅魚生刺身都非常之新鮮，唯一美中不足嘅就係差不多每一款刺身都可以追加，唯獨是海膽冇得追加！烤肉拼盤真係包羅萬有，雞、牛、豬應有盡有！而且樣樣都係高質食材。每款牛肉都係上等澳洲和牛，其實每款都好味，當中最