君悅咖啡廳

營業中

休息中

在香港食自助餐經驗都唔算少，縱橫各五、六星級酒店，總算有點心得。君悅酒店各餐廳質素不容置疑，今次第一次試buffet，也是人生第一次200%飽。食物款式唔算少，每一樣都好精，材料新鮮，絕對唔係食垃圾質素。頭盤款式已經有很多選擇，任食即煎鵝肝更加喜上加喜，各類海鮮也很新鮮，這是最重要的。雖然刺身款式唔算多，但因為實在太多其他食物選擇，大可花其他時間品嚐其他美食，當然出名的海南雞飯絕不能錯過。反而最重要推介是即炸天婦羅，粉薄而不油膩，對我這種不喜歡吃太多炸物的人，竟然encore兩次。其他食物質素總算平均之上，Grand Hyatt從來沒有令我失望過。每樣食少少，加埋甜品竟然最後200%飽。這種感覺真令人又愛又恨！對於喜愛食自助餐，志在貴精不貴多的人，Grand Hyatt絕對係一個唔錯嘅選擇。