牛魔 (已結業)

近排生酮緊，所以就算出去食飯可選擇嘅範圍都好細。所以最近都不斷搵啲非嚴酮可以食到嘅餐廳食，今次就嚟到尖沙咀呢間餐廳嚟食燒肉啦！燒肉午餐和牛特選三種盛 （配有白飯及味增湯） $168（A4和牛肩肉、澳洲和牛牛五花、厚切和牛牛舌）A4有咬口又唔會太韌牛味濃，牛五花紋理清晰，肥瘦均勻咬落超多肉汁，牛舌夠厚夠爽口。More肉盛 （配有白飯及味增湯） $168（A4和牛肩肉、澳洲和牛牛五花、全天然豚肉五花薄切和厚切、鳥脾肉醬油、黑毛豬頸肉）豚肉五花咬落爆肉汁好正呀～超岩需要食高脂肪嘅我，咬落唔止脂肪仲有有咬口嘅肉質！好推薦！豬頸肉都好爽口，加少少鹽已經好好食！