牛魔 (已結業)

今日同朋友去咗尖沙咀做嘢，經過棉登徑記得曾經同自己講過，如果經過呢度一定要再幫襯佢，所以就拉咗個朋友一齊入去食。😝今次叫咗泡菜煎餅、日式炒烏冬、香蔥牛脷、黑毛豬頸肉、美國 Prime 醬油牛肋骨。泡菜煎餅 ($75) : 餐前小食，香脆可口，不過要趁熱食，凍咗冇咁好食。😋日式炒烏冬 ($65) : 材料有冬菇、魷魚、蝦、洋蔥、木魚絲、蘿蔔絲。烏冬炒得唔錯，熱辣辣之餘唔會太黏。香蔥牛脷 ($85) : 牛脷紅潤有光澤，而且厚薄適中，食落味道有啲似牛肉，不過就多咗份柔軟嘅口感係牛肉比唔到嘅。黑毛豬頸肉 ($130) : 平時食開燒肉都係叫腩肉，所以今次就試試豬頸肉，估唔到相當有驚喜。豬頸肉燒過後，邊邊位脆口得嚟帶點焦香，而且肉味濃郁之餘又嫩又多汁，我同朋友都一致覺得好好味 😍 呢個價錢對得住個質素。美國 Prime 醬油牛肋骨 ($198) : 食得燒肉牛肋骨當然走唔甩，呢度嘅牛肋骨超正 😍 牛肋骨本身已經用醬油醃左，而且肉同油脂嘅分佈幾平均，加上店員主動幫我哋燒，時間就掌握得更好 👍🏻 肉質軟嫩多汁，燒完直接食就已經可以。兩杯梳打特飲味道唔錯。