影片
更多
2021-05-26
131 瀏覽
好耐冇同班閏蜜聚舊啦!今晚特登BOOK左香江花月，四個人傾足成晚，開開心心又一晚～香江花月好多打卡位，首推Team Lab獨立房間，滿佈七彩顏色波波。而餐廳亦以仿五十年代舊香港佈置，滿是懷舊裝修、擺設，好有心思!坐底後先獲送上清甜荔枝特飲一小杯。自助醬料區乾淨企理，仲有好多選擇。前菜揀左兩款，包括金粒豆腐同黃金炸魚皮。金粒豆腐炸至金黃色，外皮鬆脆，咬開豆香濃郁，夠哂嫩滑。黃金炸魚皮流沙鹹蛋黃沾滿魚皮，新鮮炸起熱辣辣，鬆化惹味。湯底揀左秘製花雕豬肚鍋酒香四溢，豬肚爽脆嫩滑，好足料。香江拼牛魔王必點菜式!有齊手切肥牛、牛柳粒、安格斯肥牛、牛𦟌、牛白肉、牛心椗、黑栢葉、牛脷等等，一大個圓盤上枱，圍住火鍋湯底，份量十足，好豐富，真係相當吸晴!推介安格斯肥牛，豐富大理石花紋，肉質軟稔；牛白肉即牛胸下既軟骨，油香滿溢，口感爽滑。三色餃三款唔同顏色既餃子，原來係黑松露長腳蟹餃、芝士鮮菌餃同野生松茸餃，三款各有特色，大大隻，皮薄餡多，口感鮮香嫩滑。自家製三色墨魚丸有三種口味，包括鹹蛋黃、黑松露、蟹籽，真材實料自家製，三款都爽口彈牙，無粉感。冬甩墨魚菓子圓圓既冬甩造型墨魚卷再加入腰果、杏仁，口感豐富，好
今晚特登BOOK左香江花月，
四個人傾足成晚，開開心心又一晚～
香江花月好多打卡位，
首推Team Lab獨立房間，
滿佈七彩顏色波波。
而餐廳亦以仿五十年代舊香港佈置，
滿是懷舊裝修、擺設，好有心思!
坐底後先獲送上清甜荔枝特飲一小杯。
自助醬料區乾淨企理，仲有好多選擇。
前菜揀左兩款，包括金粒豆腐同黃金炸魚皮。
金粒豆腐
炸至金黃色，外皮鬆脆，咬開豆香濃郁，夠哂嫩滑。
黃金炸魚皮
流沙鹹蛋黃沾滿魚皮，
新鮮炸起熱辣辣，鬆化惹味。
湯底揀左秘製花雕豬肚鍋
酒香四溢，豬肚爽脆嫩滑，好足料。
香江拼
牛魔王必點菜式!
有齊手切肥牛、牛柳粒、安格斯肥牛、
牛𦟌、牛白肉、牛心椗、黑栢葉、牛脷等等，
一大個圓盤上枱，圍住火鍋湯底，
份量十足，好豐富，真係相當吸晴!
推介安格斯肥牛，豐富大理石花紋，肉質軟稔；
牛白肉即牛胸下既軟骨，油香滿溢，口感爽滑。
三色餃
三款唔同顏色既餃子，
原來係黑松露長腳蟹餃、芝士鮮菌餃同野生松茸餃，
三款各有特色，大大隻，皮薄餡多，口感鮮香嫩滑。
自家製三色墨魚丸
有三種口味，包括鹹蛋黃、黑松露、蟹籽，
真材實料自家製，三款都爽口彈牙，無粉感。
冬甩墨魚菓子
圓圓既冬甩造型墨魚卷再加入腰果、杏仁，
口感豐富，好有創意!
花花綠綠
打邊爐唔少得叫返個蔬菜拼盤，
擺放得好有心思，款式種類甚多，
款款翠綠新鮮，鮮甜又爽脆。
呢度既特飲都好值得推介。
鳳琉香
菠蘿味，上枱時會以氮氣整出汽球，好得意!
瑰洛月
洛神花加入蘋果，玫瑰花形既冰好靚～
張貼
