牛大人台灣火鍋吃到飽 (大鴻輝(荃灣)中心)

營業中

休息中

今晚去食牛大人，今次已經係第二次，第一次lunch, 不過今次係dinner, 質素保持好好，食物款式仲要比lunch 多d。坐低之後我同男朋友都點左澳洲極上和牛個set, 湯底係台灣鳯梨雞鍋，湯底好香，而且十分足料，有半隻雞、沙白、苦瓜，不過唔見有鳯梨，飲一啖好清甜不過冇鳯梨味，不過好好味。自助bar提供各式丸類同蔬菜，魚腐好好味，蔬菜竟然有皇帝菜，食咗好多。飲品有冷泡茶任飲，亦都有d免費既飲品order, 好似酸梅湯，真材實料。打邊爐梗係想飲下酒，叫咗手工啤流水落花同小米釀試吓。當然牛係主角，澳洲和牛M5牛肩卷、手切封門柳及安格斯一口牛肉粒等每樣都狂食，絕對頂級好味，加上切得好薄，可以盡情食。澳洲和牛M5牛肩卷絕對係首選，有牛味又滑。每人加送兩粒M9澳洲和牛牛丸，好友驚喜，係十分之有牛味，好似食緊牛腩咁，爽口彈牙又Juicy。另外本身想試一碟牛胸爽，荃灣店獨有，可惜落單時已經過左last order, 有d可惜，整體上除咗湯底無鳯梨之外，其他嘢都十分滿意。最後食埋甜品movenpick雪糕，揀咗楓糖合桃味同埋士多啤梨味，相當滿足。