牛魔 (已結業)

之前試過牛魔午餐，真係好impressed。今日午餐又黎返尋味。牛魔位於尖沙咀，係一間高級日韓燒肉店，主打美國、日本、澳洲等各地優質和牛。午餐餐牌有午市燒肉定食3款，另外都有麵，鍋，飯類，蘭王蛋配飯，同小食。今日叫左個澳洲和牛三盛同牛魔鐵板牛肉分享。澳洲和牛三盛 $168 另加一澳洲和牛三盛擺盆不俗，和牛下面伴有爽口菇件。三盛包括澳洲和牛西冷3枚，澳洲和牛胸腹3枚同澳洲和牛五花3枚。3款澳洲和牛都嫩口，好易咬開，牛五花唔肥，已加肉汁同白芝麻粒，都夠味，點埋燒肉汁就更好味，伴有檸檬一件。醬料有辣蒜蓉，燒汁同鹽。個燒汁好惹味，推介點燒肉食。牛魔鐵板牛肉 $98 另加一牛魔鐵板牛肉係成塊鐵板上枱。牛肉份量唔少，有好多塊。牛肉夠稔，個燒肉汁好惹味，配有吸汁洋蔥絲，白芝麻粒同蔥花，個汁撈飯正。燒肉定食包沙律，前菜，牛骨湯同御飯。沙律係生菜加粟米粒，醬汁係少見嘅黑芝麻醬，味道更好。前菜係中華沙律，上面加上白芝麻粒。湯唔係一般嘅麵豉湯，而係牛骨湯。牛骨湯味道好清，有好多昆布同豆腐粒。牛魔拌飯 加$5 另加一御飯可以加$5升級牛魔拌飯。牛魔拌飯大大碗，珍珠米好大粒，飯量好似比御飯更大碗。加左醬汁同飯素