自家製韓國刀削麵 (好順景大廈)

營業中

休息中

餐廳乾淨企理，座位舒服，環境唔錯。一入去，店員會送上一樽冰凍嘅凍水同埋一兜泡菜，佢嘅泡菜好爽脆，個醬辣辣地，幾好味。牛骨湯刀削麵佢嘅牛骨湯刀削麵好大碗，有紫菜絲同蛋絲鋪喺面，佢個牛骨湯底鮮甜好飲，佢嘅自家製刀削麵有刀削麵嘅口感，但幼身好多，真係幾好食。雞髀刀削麵雞髀刀削麵都一樣咁大碗，湯底鮮甜好飲。個雞髀大大隻，紫菜絲同雞蛋絲同個湯好夾。牛肉蔥煎餅牛肉蔥煎餅口感幾特別，外面煎得好香，咬落脆脆地，入面就軟腍腍，好似年糕質地，而且入面有牛肉，又有長條既蔥，食起嚟好香。呢間既韓國刀削麵好味，又抵食，都幾好。