段純貞牛肉麵 (Tower 535) (已結業)

台灣過江龍段純貞嚟咗香港一段時間 目前已經有3間分店 去開銅鑼灣過嚟試下先😋特登揀兩點過咗午市繁忙時間嚟 唔洗等位 不過都差唔多full house👥一睇Menu 選擇困難症又發作 淨係牛肉麵類都有6款 除此之外仲有其他麵類/拌麵/涼拌小菜同小食🧐都花咗啲時間去糾結◽原味牛肉麵喺選擇多到唔知點揀嘅時候 我多數都會還原基本 揀最classic嘅嚟試😌原味嘅湯底都好有層次 牛骨湯濃得嚟帶有好輕微嘅辣味 而牛肉都夠份量 偏厚切 重點係好稔啊🤤麵底可以揀細麵或者手工麵 手工麵係粗手扁麵 好有咬口◾蒜香手撕雞乾拌麵 呢個乾拌麵我哋就揀咗幼麵 個質感都唔錯 入面除咗雞絲之外 仲有蔥/蒜/花生 所以好香好惹味❤️加埋隻流心蛋就無敵喇◽紅油抄手有啲驚喜係佢嘅辣油比我想像中辣 普遍食台灣菜嘅辣味都好小兒科 呢度嘅香辣比較突出🌶️有成6粒餛飩 皮薄而餡足◾珍珠奶茶◽胚芽珍珠奶茶飲品我哋都揀咗地道台式飲品 鐘意有珍珠一邊飲一邊咬🧋味道亦唔會太甜另外仲有養生熱飲同特飲可以揀架🤗