火水爐花膠館 (已結業)

我哋一行4人叫咗最貴嘅90分鐘任飲任食安格斯牛小排餐，湯底係招牌麻辣花膠雞煲。唔知係咪因為叫咗小辣，所以無乜麻辣香味，好似一啲辣都無，有少少失望。本身個鍋裡面材料好豐富：有大大塊花膠、雞件、豬皮同豆卜。我最鍾意食豆卜最，因為佢吸哂啲汁同精華。每枱都會有一碟餐前小食：炸魚蛋燒賣配泰式辣醬（約每人各一粒）。唔知係咪攤凍咗，所以唔係好香脆，食落有啲硬，味道還可以。個人覺得食完有啲飽同頂胃，可以叫侍應唔好俾，專心食火鍋好過。我哋叫哂4款牛，每款都超超超大碟（佢話係按人頭計的）。牛肉的確幾出色，特別係安格斯牛小排，脂肪同肉嘅比例一流，牛肉味好香，肉質好嫩好淋。牛頸脊都好食，牛肉味比安格斯更香，但肉質就無安格斯咁嫩。其餘兩款都唔錯，但我覺得可以專攻安格斯同牛頸脊。我哋只叫咗1 round牛，但最後有一碟啲牛肉食唔晒，有啲唔好意思，真係估唔到咁大碟，每碟每人起碼有4-5大塊。另外推薦嘅仲有紫菜響鈴，其他配料我覺得普普通通。汽水同有糖飲品任飲，但無糖飲品真係有啲貴，一罐烏龍茶要$14，唔係好明點解要額外收費，哩個位有啲失望。環境好地道，服務都算周到。