影片
更多
2018-01-28
1200 瀏覽
由日航酒店自助餐年代食到依家，睇住佢酒店名都改埋，睇住餐廳裝修，到今天我仍然不離不棄，原來筆者都係個幾長情既人。 Café East裝修後，吃過好幾遍，每次總有點不同，今趟亦不例外，除了因為今期主題是「牛迷盛宴」，佢既「點心」甜品也成為了亮點。 無錯，是「牛迷盛宴」，像我等食肉獸聽到，又怎可能抗拒？ 做咩主題都好，凍海鮮從來是搶手貨，尤其是麵包蟹與波士頓龍蝦，仲有蟹腳，都好受歡迎，還幸店方補貨好快。 Cold Cut及芝士等項目，同樣注入了牛肉原素，以和牛造成的風乾腸，肉味更濃，配芝士一流，手頭若有杯紅酒更正，可惜我仍在咳嗽。 咖喱是這裡的吸引項目，印象中款式又比上次多了，真好。印籍師傅坐鎮，保証出品正宗，首次見識到有芋頭在內的咖喱，比想像中好得多。花生醬薄餅香甜又薄脆，十分可口，只恨拉茶仲未有得供應，否則必定更圓滿。 作為牛迷，一定唔會錯過燒牛肉，睇佢顏色便知佢夠生，正中我口味，配點薯仔，老人家的我又回想起在英國生活的日子。 鐵板燒固然會有牛肉，牛真不用燒太熟，已可口。另還有燒大蝦及三文魚等，普遍頗重牛油香。 胃口細加既我，西式熱葷只能淺嚐，重點落在乳豬飯身上，我對此品的「抵抗能力
由日航酒店自助餐年代食到依家，睇住佢酒店名都改埋，睇住餐廳裝修，到今天我仍然不離不棄，原來筆者都係個幾長情既人。Café East裝修後，吃過好幾遍，每次總有點不同，今趟亦不例外，除了因為今期主題是「牛迷盛宴」，佢既「點心」甜品也成為了亮點。
無錯，是「牛迷盛宴」，像我等食肉獸聽到，又怎可能抗拒？
做咩主題都好，凍海鮮從來是搶手貨，尤其是麵包蟹與波士頓龍蝦，仲有蟹腳，都好受歡迎，還幸店方補貨好快。
Cold Cut及芝士等項目，同樣注入了牛肉原素，以和牛造成的風乾腸，肉味更濃，配芝士一流，手頭若有杯紅酒更正，可惜我仍在咳嗽。
咖喱是這裡的吸引項目，印象中款式又比上次多了，真好。印籍師傅坐鎮，保証出品正宗，首次見識到有芋頭在內的咖喱，比想像中好得多。花生醬薄餅香甜又薄脆，十分可口，只恨拉茶仲未有得供應，否則必定更圓滿。
作為牛迷，一定唔會錯過燒牛肉，睇佢顏色便知佢夠生，正中我口味，配點薯仔，老人家的我又回想起在英國生活的日子。
鐵板燒固然會有牛肉，牛真不用燒太熟，已可口。另還有燒大蝦及三文魚等，普遍頗重牛油香。
胃口細加既我，西式熱葷只能淺嚐，重點落在乳豬飯身上，我對此品的「抵抗能力」又係好低。
反而中式熱葷吸引我多些，既有鮑魚，又有花膠，仲有蒜茸粉絲蒸扇貝，以及大蝦等。這中式大蝦風味與鐵板燒的，當然不盡相同。
收起上次的麻辣火鍋，今期有充滿日式風情的關東煮，以及星馬肉骨茶，都是我喜歡的東西，比麻辣更好。
燉湯同是貫徹主題，有燉牛展。另外，粟米甘筍豬骨湯和忌廉白菌湯，都對平日少湯水的香港人很有幫助。
呢度既甜品從來強橫，喜歡星馬既我，自然欣賞其斑蘭窩夫條，以及檳城薄餅。
限時出爐的流心芝士撻，熱呼呼，香濃，撻皮鬆脆，吃一隻係唔會夠喉的。
多款長期供應的甜點如提拉米蘇、榴槤布甸、拿破崙、熱情果慕絲等，依舊保持水準。新產品的「點心」甜品，有蝦餃、鮑魚、鵪鶉蛋燒賣及灌湯餃，造型神似，最抵食係有埋點心卡（威化紙來，食得的）。幾味甜品口感像大菜糕，但有不同口味，真難為甜品師要花盡腦汁搞呢啲特色出品來。
又牛又多款甜品，好滿足好滿足！同場撞正公司搞Annual Party，氣氛太正！我可以加入玩大抽獎嗎？哈哈哈～
張貼
