六両三 (已結業)

成日經過都以為係一間日本餐廳，點知朋友提議去食牛肉麵先知原來係台灣菜呀！店舖細細，有種家庭式經營嘅感覺。呢間麵食只提供唔同款嘅牛，有牛筋、牛肉、牛腱同牛肋條，選擇唔多但樣樣都想試。最後揀咗牛筋牛肋條麵，咁就可以一試兩款。小食就揀咗‘皮蛋豆腐’同‘涼拌小黃瓜‘。牛筋好彈牙，食落去你會覺得吸收咗好多骨膠原😆 牛肋條比想像中好味，初時怕佢好韌，但食落啱啱好。至於小食，其實唔大驚喜，小食嘛，當前菜都可以嘅。