阿久根和牛立燒店 (已結業)

秋意濃濃，天氣涼咗就梗係去燒烤啦。呢間餐廳位於旺角東距離5分鐘。地方唔算大，但檯燈闊落，又有地方擺袋。裝修好日本風，周圍擺滿唔同嘅清酒。餐單上有牛肉、豬肉、雞肉選擇，而且都有唔同嘅部位同埋內臟。極尚和牛定食 $168定食跟餐湯、拌菜、沙律同埋飯，肉類方面就有肉眼A4、西冷A4、牛舌同埋牛肚。上面會有個木牌仔指出唔同既部位，就知道自己食緊咩啦🤭肉眼A4油脂味極重，又唔會蓋過肉味，因爲油脂分布啱啱好，燒5成熟就有入口即溶嘅效果。西冷A4既油脂主要佈滿一邊，所以通常燒嘅時候會燒油脂多果邊先。相對肉眼，西冷韌度就比較高。牛舌薄得緊要，經過咗調味，熟咗之後都可以就咁擺入口。但係熟度好難掌握，一唔覺意就會變韌左。牛肚基本上上菜就係熟，主要加熱翻。海帶蜆仔麵豉湯好多海帶。麵豉味唔重，但都唔係點飲到蜆仔既鮮味。阿久根和牛涮鍋$148跟餐有菜，牛、烏冬。湯底係壽喜燒跟隨住一隻生雞蛋。我地選擇左最後湯水得翻精華再加烏冬同埋雞蛋。呢度嘅壽喜燒相對出邊較濃味，所以基本上係唔使點任何醬料都好有味好好食。肉方面有肉眼A4、後胸腹肉、三角肋肉。牛小排$148油脂分布均勻，口感細緻柔嫩。不論係燒還是涮都係入口即溶。檸