影片
更多
2023-02-20
378 瀏覽
大角咀開咗間幸谷駅，睇其他人介紹，覺得好吸引，於是就拉埋B🐷過嚟試吓。小店形式，一去到見到冇人招呼，見到有叮叮撳鐘仔，叫店員出嚟，如果唔係佢哋就會匿喺簾後面整嘢食，咁樣做好似欠缺對客人嘅尊重😅😅。(可能未開舖？週末嘅2:30)牛乳吉士鯛魚燒 3/5 $22我哋試咗嗰個牛乳吉士鯛魚燒，經典款式，冇揀酥皮，店員表示即叫即整，要等15分鐘，於是小編就同B🐷 周圍行消磨時間。等咗咁耐，熱辣辣出爐，拎上手暖笠笠。釣魚嘅形狀入邊有飽滿嘅吉士忌廉，咬一啖就已經爆曬出嚟，🤭吉士忌廉唔係好濃味，唔係好甜，比較淡口，同小編嘅想像有落差。外皮比較煙靭，唔係脆卜卜嘅感覺，係軟身啲嘅。🫣比較普通，下次可以試吓十勝紅豆🫘，可能感覺會好啲。 地點:大角咀入邊，旺角搭小巴入嚟可以喺大同新村落車再行入條內街，就會搵到，唔喺大馬路，比較少啲人流，好難想像夜晚生意係點。環境:外賣小店嘅size ，出邊有一層膠掛簾，應該係攞嚟隔走昆蟲，隔開臭味？入邊都仲有啲日本裝飾物🎐，同埋本土嘅擺設。價錢:最平$22 一個，然後有隻叫做酥皮鯛魚燒，依啲就30幾蚊，然後另外又有便當烏冬賣。服務:始終店員匿喺掛簾後面，只係收錢整嘢食，好難有服
牛乳吉士鯛魚燒 3/5 $22
我哋試咗嗰個牛乳吉士鯛魚燒，經典款式，冇揀酥皮，店員表示即叫即整，要等15分鐘，於是小編就同B🐷 周圍行消磨時間。等咗咁耐，熱辣辣出爐，拎上手暖笠笠。釣魚嘅形狀入邊有飽滿嘅吉士忌廉，咬一啖就已經爆曬出嚟，🤭吉士忌廉唔係好濃味，唔係好甜，比較淡口，同小編嘅想像有落差。外皮比較煙靭，唔係脆卜卜嘅感覺，係軟身啲嘅。🫣比較普通，下次可以試吓十勝紅豆🫘，可能感覺會好啲。
牛乳吉士鯛魚燒
$22
17 瀏覽
1 讚好
0 留言
地點:
大角咀入邊，旺角搭小巴入嚟可以喺大同新村落車再行入條內街，就會搵到，唔喺大馬路，比較少啲人流，好難想像夜晚生意係點。
環境:
外賣小店嘅size ，出邊有一層膠掛簾，應該係攞嚟隔走昆蟲，隔開臭味？入邊都仲有啲日本裝飾物🎐，同埋本土嘅擺設。
價錢:
最平$22 一個，然後有隻叫做酥皮鯛魚燒，依啲就30幾蚊，然後另外又有便當烏冬賣。
服務:
始終店員匿喺掛簾後面，只係收錢整嘢食，好難有服務可言😂😂，要有心理準備。
張貼
