幸谷駅 さちやえき (已結業)

幸谷駅係大角咀一間好細嘅小店，平時都係有一位店員包辦收銀同埋製作鯛魚燒😋.由於人手關係同埋慢工出細貨，我哋一行叫咗六件鯛魚燒，大概需要等半個鐘以上😣.不過，等待都係值得嘅❣️因為出到嚟真係好好食！特別推介大家一定要加麻糬！新鮮出爐加上脆脆嘅外皮，咬開之後，再有拉絲麻糬，邪惡度1000%！.好味就真係好味，可惜唔係成日遇到佢開門，如果佢開門又咁啱前面有一兩個客嘅話，冇辦法等到咁耐嗰日又只能放棄，要食到真係好睇彩數😌

香港愈嚟愈少賣鯛魚燒嘅店，所以想試呢間嘅鯛魚燒好耐，咁啱約咗朋友喺大角咀dinner，食飯前特登過嚟買條鯛魚燒試吓先～▪️丸久小山園抺茶🍵x十勝紅豆🫘 酥皮鯛魚燒🐟鯛魚燒食得多，酥皮嘅都係第一次，食落酥脆唔油。抹茶紅豆幾時都係絕配，抹茶香濃，有少少回甘，紅豆綿密，唔會好甜。整過唔錯，下次會想試埋鹹味不過由於小店係一人主理，所以都等得比較耐。而且小店冇乜位企，基本上要企喺條街度等，夏天咁樣等真係有啲熱😵幸谷駅 さちやえき📍大角咀角祥街20號地下D3號舖

🎖️足料鯛魚燒🥰🥰.想食呢間鯛魚燒好耐，第一次黎係佢臨關門之前黎😂😂已經截左單🥹我同🐡🐡帶住失落既心情離去🥲今次簡左星期日既5點幾去，唔算好多人，但得一個人收錢落單到整個鯛魚燒都係佢💪🏻所以前面目測有兩個人買都等左20分鐘🙈 宜家天氣熱，提提大家要有啲心理準備先去排☺️.終於收到個熱辣辣鯛魚燒😍😍外脆內軟，材料滿滿，綠茶味濃但唔會好甜，加錢要埋個麻薯，煙韌軟糯😋好似去左台灣食麻薯咁🤤開心仔❤️.#fatfat4ever_大角咀 #fatfat4ever

Tried different types of Tayaki ,Puff Pastry Tayaki and tea , all I can say is "delicious"!!The traditional custard Tayaki was absolutely fantastic! The custard filling was incredibly smooth, rich, and creamy, while the pastry shell was crispy and light. I also had the pleasure of trying the Matcha tea flavor, which provided a lovely balance to the sweetness of the pastry.The Puff Pastry Tayaki is a unique variation of the traditional Tayaki, where the outer pastry shell is made using puff pastr

行去奧運站時經過，見呢間舖頭招牌上掛住大大條魚，幾cute，原來係間賣鯛魚燒嘅小店！睇完menu，覺得都幾吸引，決定一試，叫左最traditional嘅十勝紅豆鯛魚燒，店主/店員話要等十分鐘左右。小店店面細細，但有好多可愛嘅日本裝飾，特別多貓貓！仲有我最愛嘅「夏目友人帳」嘅貓老師ニャンコ先生！見到咁多ニャンコ先生就好開心，未食已經好感滿滿☺️☺️ 後面無認錯嘅話，仲有lan、Edan同教主嘅公仔（認錯嘅話sorry🙈)言歸正傳，鯛魚燒本身都好值得一讚，即叫即整，雖然要等一陣，但拎上手熱焫焫，一口咬落去紅豆軟綿唔會太甜，外皮又少少脆，食完好有幸福感。問鯛魚燒可以放幾耐，店主/店員話放雪櫃擺1、2日都無問題，食時用氣炸鍋或焗爐返熱。我就買多個吉士鯛魚燒同吞拿魚粟米酥皮鯛魚燒拎走俾屋企人食。返到去跟佢指示返熱後食，酥皮酥脆但少乾，吞拿魚粟米係無洋蔥果種，good！吉士鯛魚燒同平時食tart果啲有啲唔同，杰身啲但好重奶香，唔太甜，屋企小朋友好鍾意食，應承下次再帶佢食！🤭

之前碌ig見有人介紹呢間專賣鯛魚燒嘅舖頭，一直想試吓，但聞說因為即叫即整，要等好耐，一直無試🙈 今日等睇戲前去望望，見唔算好多人，就入去問吓要等幾耐，店員話等十五至二十分鐘左右，就落左order。鹹牛肉芝士 酥皮鯛魚燒酥皮特登試吓鹹味，酥皮好鬆脆，芝士好拉絲，同Ig啲相一樣！鹹牛肉+芝士+酥皮嘅味道好match，好足料，食完都飽左大半十勝紅豆+麻薯 鯛魚燒另一款就叫左普通皮，外皮比預想嘅更脆，尤其魚尾部分，有啲似雞蛋仔嘅口感，紅豆偏甜但一粒粒好軟綿，麻薯幾煙un，仲有米香🤩 呢個就無酥皮咁大件，食完反而有啲唔夠喉😂

一間專賣鯛魚燒既店舖，竟然燶都咁都可以賣比人，等待時間要30分鐘，試咗出名既自家製富良野牛乳吉（$22）本身好期待，點知外賣自取發現勁燶，但等待時間太長，佢店舖就又冇位等，我就冇出聲，因為我覺得佢唔會賣燶咗鯛魚燒比人，但食落口好乾，仲有明顯既燶味，太失望了佢係小店，冇位比你等，要企係馬路邊，但見好多人介紹就試下，點知咁失望。希望佢地改善下經營方式，個個客都要30分鐘等一個鯛魚燒，好番又翻頭客，同埋做好質量問題，燶既就唔好賣比客，跟本就放唔到入口

🟠自家製富良野牛乳吉士（$22）呢個味道係比較經典既款式，鯛魚燒入面既吉士餡料都算幾多，咬落去都有少少爆出黎既感覺。味道唔算好甜，不過就比較普通🤔🟡 酥皮鯛魚燒 焙茶（$34）原來鯛魚燒有酥皮版，因為未試過，所以就叫左酥皮試下。好明顯拎上手，比傳統版大少少同埋熱好多。不過焙茶餡料就唔算好多，係食到中間先有少少爆餡感，焙茶味亦唔算十分突出🥹因為即叫即整，所以都要等15-20分鐘。個人認為如果經開大角咀，當甜品食都還可以，但如果突登去，就唔算好值得🙈

呢間鯛魚燒見過好多人食，好耐無去過日本啦，一於試下呢間有無日本食既甘好食。鋪仔細細，睇得出好有心機去佈置。🐷丸久小山園培茶酥皮鯛魚燒 $34 (麻糬+$4)因為每一件都係即叫即整，所以都等左15分鐘左右。外型係鯛魚既形狀，賣相好吸引。一拎上手熱辣辣，咬落口酥皮好香脆，入邊培茶餡甜得黎又有茶既苦澀回甘味，甜同甘味balance番。食到尾都仲有培茶餡，一d都唔孤寒。另一樣要讚既酥皮食到最尾都仲係脆卜卜，一定會回頭👍🏻 麻糬又係好大舊同埋好煙韌，不過麻糬食到尾會比較漏。建議可以唔洗加錢加麻糬，就甘就已經係最好！

大角咀開咗間幸谷駅，睇其他人介紹，覺得好吸引，於是就拉埋B🐷過嚟試吓。小店形式，一去到見到冇人招呼，見到有叮叮撳鐘仔，叫店員出嚟，如果唔係佢哋就會匿喺簾後面整嘢食，咁樣做好似欠缺對客人嘅尊重😅😅。(可能未開舖？週末嘅2:30)牛乳吉士鯛魚燒 3/5 $22我哋試咗嗰個牛乳吉士鯛魚燒，經典款式，冇揀酥皮，店員表示即叫即整，要等15分鐘，於是小編就同B🐷 周圍行消磨時間。等咗咁耐，熱辣辣出爐，拎上手暖笠笠。釣魚嘅形狀入邊有飽滿嘅吉士忌廉，咬一啖就已經爆曬出嚟，🤭吉士忌廉唔係好濃味，唔係好甜，比較淡口，同小編嘅想像有落差。外皮比較煙靭，唔係脆卜卜嘅感覺，係軟身啲嘅。🫣比較普通，下次可以試吓十勝紅豆🫘，可能感覺會好啲。 地點:大角咀入邊，旺角搭小巴入嚟可以喺大同新村落車再行入條內街，就會搵到，唔喺大馬路，比較少啲人流，好難想像夜晚生意係點。環境:外賣小店嘅size ，出邊有一層膠掛簾，應該係攞嚟隔走昆蟲，隔開臭味？入邊都仲有啲日本裝飾物🎐，同埋本土嘅擺設。價錢:最平$22 一個，然後有隻叫做酥皮鯛魚燒，依啲就30幾蚊，然後另外又有便當烏冬賣。服務:始終店員匿喺掛簾後面，只係收錢整嘢食，好難有服

呢間小店係一人主理, 但係款式多, 所以等既時間比較耐, 但係等到好食既野係值得既🤓 🎏北海道十勝紅豆($20)甜度剛剛好帶少少沙既紅豆蓉餡好滿咁塞左係鯛魚燒入面, 係一個Classic不敗既組合☺️丸久小山園抹茶🍵($22)抹茶味極濃同埋都幾Creamy, 新鮮熱辣食係好正😍🎏黑糖鮮奶麻糬🍡($28)外脆內極軟, 黑糖醬配上軟糯既麻糬食完真係會”哇”一聲, 極力推薦大家一定要食呢個🤩呢度仲有鹹味既鯛魚燒, 不過個人唔太接受到鹹既所以就冇食到喇😂 其實個人覺得佢一次可以整多幾個咁就可以縮短等候既時間😚

剛剛於星期日經過，原來新開了間綢魚燒，於是買了2件傳統嘅嚟試吓，分別是牛乳吉士和抹茶，真係幾好味，不太甜，而且是即做，可能要預啲時間等－陣，下次會試吓其他味，因為有咸有甜，還有酥皮選擇呢😊🙏🏻

🍴北海道十勝紅豆麻薯酥皮鯛魚燒💁🏽‍♂️sss…hooo….(熱到出唔到聲）👩🏻超好食😋抵等咗20分鐘，即叫即整！紅豆蓉熱辣辣香甜，麻薯煙靭拉絲，酥皮好食好多，外皮酥脆。

本身住元朗，之前應承過自己要喺2022年內去一次大角咀食野，好彩喺2022年最後一日終於扚起心肝去，好耐冇行 好多舖都唔同左。我一早喺上網做晒research，諗住有機會黎掃街一定要食既小店。未食正餐就諗住搵啲小食食下先吃，當中當然係幸谷駅，佢出名在鯛魚燒好食 多味道揀 因為我第一次去嚟食，靚女店員好好人😍，好耐心咁同我介紹，又問我鍾意食鹹定甜最後我揀咗酥皮明太子芝士竹輪，店員亦都即時同我講聲，製作時間需時10幾分鐘，喺等待途中欣賞舖頭嘅擺設，十分有心思，最特別係人生鐵路圖，唔知係咪店主自己整呢😂 。 舖頭有播住我最近成日聽林家謙啲歌，好治癒，正😄。講返食物先，大概等15分鐘後就有得拎啦，同店員講嘅時間差唔多，店員仲好細心叮囑我小心熱，攞到上手熱辣辣，酥皮好脆芝士明太子好夾少少辣又唔太腻，啱晒唔鍾意食甜嘅人，夠晒惹味😋，食到最後魚尾好脆，我依家一路打文字 都回味緊 🤤（餓了）下次會想試試鹹牛肉芝士 同 北海道十勝紅豆麻糬。

冇咁嘅條件唔好學人喺社交媒體網站度廣告，得一個人又要整野食又要落單，未搞掂之前嗰啲order又掛住落新既，你做得切既手腳快既無問題，得你一個仲慢條斯理喺度整，幾個鯛魚燒都整好但就瞓左喺度等你5分鐘個出野食流程又係搞笑，個客過黎催你你就話搞掂架喇，就出野食比佢，完全唔對number，請問你又知呢個鯛魚燒係佢既？完全R哂頭自己好似仲唔知有咩問題咁。……………………………………………………………………………..