新匯聚餐廳小廚

營業中

休息中

香港大排檔越來越少，隨著舊屋村重建和冬菇亭減少，在官塘想食大排檔小菜選擇更加少。穩身官塘''新匯聚''是重溫風味好選擇。秘製蜂蜜欖角骨：排骨一咬立即骨肉分離，蜜糖中和左欖角咸味，入口咸香甜美，好味道！蝦醬通菜：超級有鑊氣，一上枱香味四溢，味道略咸，配白飯一流。蒜蓉粉絲蒸蝦：雖然份量唔多，但海蝦新鮮，肉質鮮美，開邊配上蒜蓉粉絲底清蒸，一流鼓椒炒聖子：乾淨無沙，炒得夠鑊氣唔老，鼓香彈口，另一配白飯好菜色。魚香茄子煲：煲仔小菜都唔錯，茄子煮得夠腍，肉碎混有真咸魚，甘香可口。不過因爲茄子泡油煮熟，比其他菜式較為油膩。最後黎一杯秘製有氣檸蜜，暑氣全消。