正九清湯腩 (砵崙樓)

營業中

休息中

見完客收工係附近搵野食，口乾乾想食湯麵，呢間餐廳門口咁多人排隊等外賣就一於試試佢， 坐底叫左個清湯牛三寶河粉，牛筋、牛腩、牛肚，三樣都係我最鍾意食既野竟然集曬同一碗都只係61蚊，清湯加香葱好香呀個湯底，特別加多腩汁，河粉吸曬個腩汁湯一流，又足料，牛筋煮到非常之稔乾淨，清到一個點，牛腩肥瘦平均，腐乳通菜同粉麵真心夾，識食一定係食菜葉哈哈，走嗰陣飽到上心口大滿足，仲有想講老闆超好人好nice，請我飲左杯凍檸茶，就算餐廳咁忙咁多客，佢對所有客人都十分有禮貌，處之泰然，欣賞！