百樂潮州鮑魚飯店 (已結業)

適逢爺爺既生日，我地一家去左百樂潮州鮑魚飯店為佢慶祝！當日既美食真係無可挑剔！奉上正餐之前我地叫左幾款小食，鮑魚汁雞腳、海蜇等。第一道菜潮州翅，非常特別，因為佢係同埋個爐仔一齊泥既。。第二道菜就係鮑魚同鵝掌，抆得好入味！之後仲叫左蝦丸，呢個係我既最愛，因為佢外面炸得好脆，裡面仲有d蓮藕粒，好有咬口！第四道菜係炸子雞，不過無影到相。。炸得好脆！好夠味！d雞既肉質岩岩好，好滑！仲有椒絲腐乳通菜！我覺得呢間整得唔錯！味道岩岩好！甜品當然少不免生日蛋糕啦！生日蛋糕就係我地自備既。不過個壽包就係餐廳為我地精心準備既！上面個隻公仔整得好精緻！仲有冰糖燕窩，非常好食！同埋我最中意食既甜品－水晶包！埋單都唔算好貴，價錢合理，一定會繼續幫襯！