影片
更多
2016-06-19
2797 瀏覽
爸爸的美食哲學 第一集 激讚私房菜！我家裏有個爸爸是個不折不扣的麻煩人，他很省錢，卻很喜歡吃街外的食物，常吃住太太的幾十年都一樣的幾味，再靜雞雞去吃牛腩河！每次被太太發現就會裝作無事回房瞓覺！看似冇要求的他其實對食物很有要求，因為他對食物嘅要求令到我喺今年父親節飯嘅第一餐，很細心的選擇！記得上一年哥哥帶我地去食一間好出名嘅潮州菜最後食到我阿爸扁住嘴出返泥！我今日就千里迢迢由西環第屋企人去到觀塘食呢一間癮世嘅私房菜！叫我媽媽過海已經難，過海仲要去到觀塘，冇返咁上下質素肯定俾佢鬧爆！位於觀塘敬業街嘅盡頭係有點兒難行嘅"御膳", 我覺得係一間很正嘅餐廳！四位套餐千六蚊八九樣菜，價格合理，預先已經知道至少有四至五款會係新鮮美味嘅海鮮！我介紹幾個當日食到爸爸也滿足的美食！爸爸媽媽坐定定之後望住我就同我講，啊！要我去到咁遠，究竟有啲咩好嘢食啊？好彩第一道前菜，爸爸的眼已經變成心心眼呀！前菜嘅招牌拼盤，中正爸爸的懷，最喜歡嘅豬大腸同埋牛肚，因為健康問題媽媽唔整俾佢食！所以呢當佢見到未食落口已經話話好正啊！呢個拼盤有麻辣牛肚，滷水豬大腸以及秘製手撕雞！特別推薦嘅係麻辣牛肚，麻辣味香濃，牛肚嘅質感亦都好
我家裏有個爸爸是個不折不扣的麻煩人，他很省錢，卻很喜歡吃街外的食物，常吃住太太的幾十年都一樣的幾味，再靜雞雞去吃牛腩河！每次被太太發現就會裝作無事回房瞓覺！
看似冇要求的他其實對食物很有要求，因為他對食物嘅要求令到我喺今年父親節飯嘅第一餐，很細心的選擇！記得上一年哥哥帶我地去食一間好出名嘅潮州菜最後食到我阿爸扁住嘴出返泥！
我今日就千里迢迢由西環第屋企人去到觀塘食呢一間癮世嘅私房菜！叫我媽媽過海已經難，過海仲要去到觀塘，冇返咁上下質素肯定俾佢鬧爆！
位於觀塘敬業街嘅盡頭係有點兒難行嘅"御膳", 我覺得係一間很正嘅餐廳！
四位套餐千六蚊八九樣菜，價格合理，預先已經知道至少有四至五款會係新鮮美味嘅海鮮！我介紹幾個當日食到爸爸也滿足的美食！
爸爸媽媽坐定定之後望住我就同我講，啊！要我去到咁遠，究竟有啲咩好嘢食啊？好彩第一道前菜，爸爸的眼已經變成心心眼呀！前菜嘅招牌拼盤，中正爸爸的懷，最喜歡嘅豬大腸同埋牛肚，因為健康問題媽媽唔整俾佢食！所以呢當佢見到未食落口已經話話好正啊！
呢個拼盤有麻辣牛肚，滷水豬大腸以及秘製手撕雞！特別推薦嘅係麻辣牛肚，麻辣味香濃，牛肚嘅質感亦都好厚，軟硬度適中！十分入味，十分好吃！
還有豬大腸豬，大腸大件得很，滷水味好入味，完全冇大腸本身嗰浸怪味，煮得十分之軟淋！連媽媽都讚好！單單係個前菜已經先拔頭籌！第一次安排晚餐，已經贏得掌声！
點知第二個菜更加有驚喜，竟然係一個砂鍋大魚頭豆腐湯！我開始懷疑呢一間餐廳嘅廚師啊係咪食我爹哋。
這是爸爸媽媽嘅至愛，好多時會特登早上去到街市度買返嚟蒸或者煲湯，但係因為近年嫲嫲老了，食唔到骨，所以已經冇再煲呢種湯啊！今次見到十分驚喜，未飲望落去已經好有媽媽嘅感覺，魚頭十分之大而且原個足料！配上滑豆腐同少少芫茜，薑片，沒有魚腥，只有鮮甜，窩心！我爸爸其實都好識得煮嘢食只不過平時好少會出手，佢最叻呢就係煮薑蔥炒蟹，炆牛腩，鮮飽魚，魚翅，炒牛河！甚至係連雪糕都識整！
炒蟹？炒蟹？炒蟹？？希望今餐有炒蟹食啦！點知當我期望嘅時候，另一邊箱已經出現咗啦！蛋白花調蒸大肉蟹！賣相十分討好！蟹大隻得很！外殻大概有半面咁大！很誇張，顏色很鮮紅好靚，肉質很結實，大蟹鉗真的又大又好吃！鮮甜美味！
底層的花調蛋白很滑嫩，很正！滑得直落喉嚨，但味道偏淡了一點點！爸爸全碟清了！
可能有好多朋友同我食個蟹嘅都知道我淨係會食蟹蓋，其實唔係咖，只不過係只有爸爸先會幫我剝隻蟹鉗啊！今次當然例外啦呢個蟹鉗大隻到不得了好好味！告訴你，這個是不可不吃的菜式！
御膳繼續為我們帶來驚喜，接着嘅係有手一樣咁長嘅聖子！手掌咁長，又厚肉，配上少少豉椒已經滿分，蒸得剛好時間，底下的粉絲吸收了精華都很好吃！再一個要讚的菜！
仲有白胡椒爆炒鮑魚，用上秘製白胡椒汁爆鮮鮑魚！鮮鮑很有口感！十分煙韌而且醬汁做得好出色！ 如果我有一碗白飯，肯定汁都撈埋！
最後仲有自家黃豆醬炒時菜。説真的很夠鑊氣，菜很細不老，而且不知為何吃到了家的味道！一條不留全清了！全部菜色大家都好滿意，連平時自誇炒蟹能手的爸爸，今次都講個蟹真係一流，邊食邊讚街市都買唔到咁靚咁大隻，仲要埋單$1600. 慳家到爆的媽媽都大叫坻食！今次我呢個乖女仲唔贏左！爸爸的美食哲學第一集，激讚私房菜
張貼
