影片
更多
2021-08-03
111 瀏覽
消費券一出，大家心情都好興奮，同爹哋媽咪去觀塘shopping，大家都買過不亦樂乎。滿載而歸之後就食餐好的，他們比較喜歡食中式菜式，提前已經訂座高質私房菜比佢哋啦！觀塘地膽推介榮哥廚房，我哋第一次嚟食，近觀塘地鐵站，感覺良好，裝修充滿中國特色，最緊要衛生乾淨企理，菜式特別之餘價錢又大眾化。榮哥廚房特別私房菜，由餐廳發板時令食材，我哋就乖乖坐喺度等食。本地水耕沙律菜伴芝麻醬媽咪第一啖放入口已經讚不絕口，水耕菜特別清甜，清新青瓜卷起來，伴芝麻醬很配合，新鮮爽口。茶燻流心蛋伴黑魚子醬配厚切茄子晶瑩剔透的流心蛋，充滿茶燻香味，伴黑魚子醬鹹香好味，配厚切茄子燒汁感覺開胃，滋味十足。原鼎海椰皇仔燉鷓鴣黑毛豚肉湯老火燉湯滋陰補腎，最啱我哋冇住家飯食嘅OL。原鼎熱辣辣，清香的椰皇香味，原隻燉鷓鴣用料十足，螺頭、龍眼、黑毛豚肉令湯頭更加鮮味濃郁，飲落清甜滋潤，非常好飲。椒鹽豬肺杏汁豬肺湯就飲得多，椒鹽豬肺第一次食，本人覺得很有創意，口感彈牙，椒鹽微辣非常惹味。油浸時令海魚我平時唔鍾意食魚係因為怕骨，今次榮哥廚房就準備咗油浸原條馬友，店員說骨不多，而且油浸煮法令魚皮和細魚骨都變得酥脆，魚肉嫩滑多汁，沾醬汁
觀塘地膽推介榮哥廚房，我哋第一次嚟食，近觀塘地鐵站，感覺良好，裝修充滿中國特色，最緊要衛生乾淨企理，菜式特別之餘價錢又大眾化。
榮哥廚房特別私房菜，由餐廳發板時令食材，我哋就乖乖坐喺度等食。
本地水耕沙律菜伴芝麻醬
媽咪第一啖放入口已經讚不絕口，水耕菜特別清甜，清新青瓜卷起來，伴芝麻醬很配合，新鮮爽口。
茶燻流心蛋伴黑魚子醬配厚切茄子
晶瑩剔透的流心蛋，充滿茶燻香味，伴黑魚子醬鹹香好味，配厚切茄子燒汁感覺開胃，滋味十足。
原鼎海椰皇仔燉鷓鴣黑毛豚肉湯
老火燉湯滋陰補腎，最啱我哋冇住家飯食嘅OL。
原鼎熱辣辣，清香的椰皇香味，原隻燉鷓鴣用料十足，螺頭、龍眼、黑毛豚肉令湯頭更加鮮味濃郁，飲落清甜滋潤，非常好飲。
椒鹽豬肺
杏汁豬肺湯就飲得多，椒鹽豬肺第一次食，本人覺得很有創意，口感彈牙，椒鹽微辣非常惹味。
油浸時令海魚
我平時唔鍾意食魚係因為怕骨，今次榮哥廚房就準備咗油浸原條馬友，店員說骨不多，而且油浸煮法令魚皮和細魚骨都變得酥脆，魚肉嫩滑多汁，沾醬汁酸酸甜甜更加好吃。
江南百花雞（半隻）
這道菜真的令人回味無窮，絕對是俾足心機的手工菜。清遠芝麻雞釀入蝦膠，黑白芝麻，賣相精緻。
另一個喜歡江南百花雞的原因就是雞已去骨，啖啖雞肉，蝦膠鮮味彈牙，工序繁複，難得滿分。
蟹皇瑤柱時令鮮蔬
漂亮 fusion 擺碟，菠菜苗伴蟹肉，鮮甜味更突出。
他鄉炒米絲
難道是他鄉遇故知？ 特別註明了以 24個月西班牙黑毛豬火腿配福建莆田米粉，細心的換上乾淨碗筷，乾身快食。果然是米絲，幼滑得如髪絲。
福建莆田的炒法，加上椰菜蝦米，24個月西班牙黑毛豬火腿增加鹹香及口感。
時令甜品
最後每人一碗薑汁芝麻湯圓，爆漿芝麻口感，為今晚畫上完美的句號。
平均每人不用 $500 就可以享受色香味俱全的私房菜，期待下次再來！
張貼
