柏景餐廳 (已結業)

屋企人生日，又加上父親節，黎食個自助餐慶祝下。屋企人book左柏景酒店，唔講唔知呢度原來幾大地方，交通又方便。入座有禮物送，好靚喎，係咩黎呢？！係清爽系列喎，啱晒爸爸用。一般汽水、果汁、奶茶、咖啡等梗係有啦，較特別係有芝士奶蓋，同隔離呢杯透明嘅水果羅勒detox water，好好飲，兩杯都encore左。巴馬火腿勁正，加上蜂蜜汁同松露油，超好味。蟹蚶芝士通粉必食啊，超濃郁的芝士味，估唔到通心粉可以咁好味！蟹肉十分鮮甜，大大啖超滿足。呢煲係咩黎？爸爸至愛嘅鮑魚呀～鮑魚同海參吸飽了湯汁，軟腍鮮味，好正。和牛粒好有牛香，靚牛！鵝肝又係正，入口即化無腥味，加上野莓汁無咁膩。又係鵝肝，呢款鵝肝八寶飯又係必食推介，鮮味足料，超正。後面個人參雞湯都幾好飲，好有參味呀～羊架又係要食，好有羊味，脂肪位夠甘香。食飽飽又點少得甜品，呵呵，呢款提拉米蘇勁有酒香，好甜，但撈混左入面嘅雜莓就啱啱好了，正。蛋糕、布甸、啫喱、窩夫、班戟等，實在太多太多，真係要多兩個胃先試得哂。雪糕係movenpick，有八款口味，要左焦糖同青檸，仲有大量toppings任加，正。最後食埋水果，好耐無食過紅毛丹，整兩粒食下先。超飽超滿