Chotto Maki (漢威大廈) (已結業)

之前響灣仔返工成日去呢間買特色卷物做lunch, 而家冇再響灣仔返工，好耐冇食，今日在尖沙咀逛街發現原來漢口道有分店，即刻買回味吓。尖沙咀呢間分店被灣仔嗰間大，較多座位可以坐堂食，裝修都幾靚幾特別。chick chick 呢度所有卷物都係即叫即做，呢款係人氣卷品之一。賣相吸引，一睇就知餡料豐富。呢個係大飯卷，有4件，件件份量十足，一口咬下飯卷，餡料超多，口感豐富，燒雞香口肉質唔嚡口，牛油果新鮮口感綿密，沙律菜爽口。飯卷上的炸芋片脆口，飛魚子卜卜脆加上香辣蛋黃醬同埋黑松露味蛋黃醬，呢個飯卷教人滿足。帶子壽司帶子超大又新鮮，味道鮮甜，超正，三件$45好似有啲貴，但是物有所值。Philadelphia呢個係中卷，有8件，每件係一口size。入面嘅餡料有三文魚同水牛芝士，飯卷上面鋪咗牛油果，牛油果同肥美三文魚係絕配，再加上充滿奶香到嘅水牛芝士，真係好好食，唔好睇佢細細一件，都幾飽肚㗎。