就是烤菇 (已結業)

今日因為工作要去柴灣，聽講樂軒臺好多隱世小食店，我跟同事就去咗個邊揾食。「就是烤菇 HOW COOL」賣的小食睇上去較特別，走平實西餐路線。見到餐牌食物幾吸引，我哋就試一試，睇下佢有幾cool。最期待的烤菇出場啦。蒜蓉芝士帶子烤菇（$33）的大啡菇非常juicy，喺爆汁個種。蒜蓉味唔出，反而芝士好香，再配搭嫩滑的帶子，唔錯!牛油果海蝦烤菇（$35）的蝦肉爽口，佢個牛油果芝士醬比起淨芝士醬更好食，開胃之餘夠濃郁。沙律菜清甜爽脆，夠新鮮。秘製烤蠔（$52）酸酸甜甜的燒烤醬好惹味，又唔會搶走蠔味。最抵讚係蠔肉係黏殼!!唔係一般放題嘅蠔肉同蠔殼分離的偽烤蠔。呢個價錢食到真烤蠔係感動!西班牙炭燒香辣芝士魷魚($35)，呢隻魷魚外型似足<<外星生物>>入面隻怪物，外表夠哂驚嚇。不過隻魷魚幾有內涵，燒得好香，同芝士好夾。意大利飯配香煎海蝦($49)的表現就中規中舉，如果海蝦可以煎得再脆就更好。值得一提的是意大利飯上枱時餐碟係熱嘅，連細節都有注意到，「就是烤菇」確係一間誠意小店。