影片
更多
2021-11-17
38 瀏覽
《SAKEH》朋友話想試新餐廳，就帶咗我去呢間以清酒為主題既日式串燒店～ 一入去見到既係日式園林境，再上一層就係用饍既地方～ 環境寬敞，燈光暗暗地好岩談心！我地一坐底店員已經好熱情咁上左瓶冰浸燒酒同小菜～ 望望menu, 見到佢地分別有藏人、杜氏兩款套餐，入面有精選燒酒去突出每款串燒既不同味道～ 另外佢地既白鱔、日本生蠔同馬刀貝都甚具特色！因為我地有其他嘢想食，所以決定咗散叫！🍭鳥腳根($48)🍭汁燒牛肋X2 ($136)😋🍭自家製免治雞肉軟骨($48)🍭荔枝豬肉卷x2 ($64)😋🍭味淋魚干($96)😋🍭海膽黃金燒虎蝦($128)🍭三文魚燒飯團($42）🍭芝士年糕($48)🍭鳥之提燈($96)🍭清雞湯茶漬飯($68)🍭綠茶蕨紅豆白玉($60)我地總共點咗以上幾款串燒同一款甜品～ 佢啲串燒有啲一定要一點點兩串，所以要睇清楚啲～～味道方面，佢地啲串燒既調味都唔錯同惹味！仲可以自己再點鹽同醬料～ 基本上我都就咁食～ 最值得一試既係😋嗰幾款！汁燒牛肋好厚身，肉質嫩口易咬！充滿牛味，好鬼正！荔枝豬肉卷即係豬肉包住荔枝，咬開係勁juicy 既荔枝汁+肉汁，兩者出奇地夾到！未見過第2度有得食，必點
朋友話想試新餐廳，就帶咗我去呢間以清酒為主題既日式串燒店～ 一入去見到既係日式園林境，再上一層就係用饍既地方～ 環境寬敞，燈光暗暗地好岩談心！
我地一坐底店員已經好熱情咁上左瓶冰浸燒酒同小菜～ 望望menu, 見到佢地分別有藏人、杜氏兩款套餐，入面有精選燒酒去突出每款串燒既不同味道～ 另外佢地既白鱔、日本生蠔同馬刀貝都甚具特色！因為我地有其他嘢想食，所以決定咗散叫！
🍭鳥腳根($48)
🍭汁燒牛肋X2 ($136)😋
🍭自家製免治雞肉軟骨($48)
🍭荔枝豬肉卷x2 ($64)😋
🍭味淋魚干($96)😋
🍭海膽黃金燒虎蝦($128)
🍭三文魚燒飯團($42）
🍭芝士年糕($48)
🍭鳥之提燈($96)
🍭清雞湯茶漬飯($68)
🍭綠茶蕨紅豆白玉($60)
我地總共點咗以上幾款串燒同一款甜品～ 佢啲串燒有啲一定要一點點兩串，所以要睇清楚啲～～
味道方面，佢地啲串燒既調味都唔錯同惹味！仲可以自己再點鹽同醬料～ 基本上我都就咁食～ 最值得一試既係😋嗰幾款！汁燒牛肋好厚身，肉質嫩口易咬！充滿牛味，好鬼正！荔枝豬肉卷即係豬肉包住荔枝，咬開係勁juicy 既荔枝汁+肉汁，兩者出奇地夾到！未見過第2度有得食，必點！魚干就好香口～ 唔會燒到好乾身，送酒一流！
虎蝦、年糕、飯團同茶漬飯就屬正常～ 雞肉軟骨配個蛋黃好靚～ 一齊食好有蛋香～ 提燈就係串燒界既限量珍品～ (我地食既時候係唔知咩嚟🙈)～ 甜品賣相好靚～ 兩粒白玉大大粒好似珍珠！而且幾好食～ 不過紅豆就過甜～
幾享受既一餐！因為佢有好多串燒我都係第一次試～～ 雖然份量唔大，但質素唔錯～ 適合細胃朋友！
張貼
