Running 燒

營業中

休息中

疫情咁耐都未完，好掛住韓式燒肉。今次經朋友推介嚟咗呢間燒肉店食任食燒肉。估唔到都幾多選擇，有唔同嘅肉類，例如係雞肉、牛肉、豬肉。肉質對任食來講都唔錯，唔會好鞋。肉嘅份量都唔會因為放題而切得好細舊。絕對夠食，我同朋友都食到好飽。最驚喜係竟然有好多海鮮，令我最深刻嘅係有帆立貝，估唔到放題來講都幾新鮮。店舖仲提供咗好多醬料俾我哋點啲肉嚟食。裏面仲提供左唔少飲品，除咗有唔少得嘅汽水之外仲有我最愛嘅cream soda。整體來講都唔錯，可以一試。