Hungry Monkey (金朝陽中心二期 - Midtown) (已結業)

今日喺銅鑼灣放工，諗唔到食咩好，突然記得朋友推介過呢間餐廳，所以就心血來潮去試吓。海膽溶岩魚餅 呢個菜式係今晚嘅Special，店員極力推介。一上枱的嘅時候覺得賣相平平無奇，原來入面內有乾坤。入面海膽份量好多 ，而且味道鮮甜濃郁，燒得恰到好處，極力推介👍🏻👍🏻👍🏻👍🏻辣酒凍花螺花螺嘅份量都幾多，店員仲好細心咁樣送上竹籤同埋手套，咁樣食就唔驚整污糟隻手啦👍🏻👍🏻呢道菜送酒一流，辣度適中，香辣惹味，用竹簽一挑就可以食到完整嘅螺肉，越食越起勁，停唔到口。蟹盛御好燒呢個大阪燒融合咗甲羅燒嘅蟹膏，入面仲有好多蟹肉，好足料。之後再喺面度鋪咗好多蟹肉同蟹子，又好食又有新意👍🏻👍🏻👍🏻成餐飯配埋呢個三得利啤酒，一路食燒物一路飲啤酒真係人生一大樂事。