心之食堂 (裝修中)

留意咗呢間餐廳都一段時間，終於有機會同朋友一齊試吓🥳到訪當晚平日七點零鐘已經爆場，建議大家提前訂座就最穩陣喇！原條日本燒魷魚：一上枱就好香，爽彈脆嫩有咬口，醬汁唔會過濃蓋過魷魚本身嘅鮮甜😋蒜燒日本大扇貝：火候掌握得好好👍🏻扇貝冇收乾，仲保持到水份飽滿。蒜蓉釀到入晒味再燒到香晒，令人回味無窮🤤蒜蓉燒蠔：蒜香馥郁，一口咬落去蠔嘅汁水喺口腔內爆開🥰雙色芝士炸雞：炸粉夠薄雞味香濃，配上雙色芝士味道更濃重，滋味得嚟又唔會太heavy👏🏻總括嚟講呢間餐廳冇令我失望，食材新鮮，廚師烹調得宜，價錢合理。店員服務態度好，環境都唔錯🤗我哋都覺得值得回頭！