蘇記流心燉蛋專門店

營業中

休息中

「蘇記流心燉蛋專門店」，之前未聽過燉蛋會sell流心，感覺好新奇。🧐因為我地下午去，可能未到食糖水既時間，間鋪冇人，又係我地包場😂成個店淨係得流心燉蛋，所以你唔洗煩惱叫咩，淨係揀熱定凍就可以啦。仲未到冬天，當然係揀凍啦！🥶－有唔少人話覺得唔熟，又或者水汪汪，可能真係每個人既口味唔同，藍妹反而認為唔錯。🤔的確，佢因為「流心」，中間既位唔係硬既，係流質。不過藍妹就係鐘意呢種口感，比起結實既燉蛋，呢種質感比到新鮮感同更順滑既口感。☺－至於有樣野藍妹都幾認同，就係唔太分得清佢究竟係燉蛋定燉奶。😵店長非常有Heart，亦好健談，我地食果陣，佢全程同個叔叔講緊野，又講經營之道，又講自己用左咩奶去整。然後又講唔少街坊怕佢將來唔再整，又講點樣整到流心，我地愈聽愈心驚，太健談了吧！😱店長就黎將自己既配方都講埋出黎😂佢有講到自己用360北海道牛奶，唔怪得之咁香牛奶味，而且好滑。但係就因為可能落得太多奶，佢又只用蛋白去整，所以冇乜蛋味，好似變左燉奶咁😧－因為藍妹燉蛋同燉奶都好鐘意，所以唔太介意好似離題，但其他顧客如果只想食燉蛋，可能就會投訴。😶雖然只係用簡單既外賣碗去裝，藍妹依然比個Like呢個燉蛋(奶)👍