燒肉臻 (已結業)

呢幾日寒風刺骨，當然要要食啲熱辣辣嘅食物，於是就決定左去食好耐冇食嘅日本燒肉。呢間餐廳招牌賣點是有師傅會專門為你燒肉，不用擔心不懂掌握時間火侯，而浪費了美味的食材。先上的是日本和牛肉眼，和牛油脂分布均勻，師傅在面前燒時，已香氣撲鼻，加上燒肉時啲油彈出嚟，未食已相當吸引，食落果然和牛香味濃，肉較薄口，相當易熟及好入口。然後甲羅燒，蟹醬味相當濃厚，配上輕輕鹹鹹的餅乾食可中和兩者間的味道，很出色。最值得一提的是燒鰻鱺，師傅在面前燒時已經吸引我的目光，鰻魚本身已經是較難烹調的食材，所以坊間通常以來貨供應，師傅則是由生卷到熟，相當難得，肉質爽口，而且外脆內嫩，加上燒醬汁及特有的鰻魚醬份外加分。