霸嗎拉麵 (金巴利道)

營業中

休息中

每次去the one都會經過呢間霸嗎拉麵，每次都好多人排隊，令我真係好好奇和對佢抱好大期望。好喇，我和朋友今次經過，因為時間尚早，7點左右，見無乜人排隊，就決定入去試下，睇下佢有幾好食！？我嗌左豚肉味玉拉麵🍜，佢可以比你選擇拉麵既軟硬度，和少油少蔥等等。 落完單等左10分鐘左右就有麵食~~ 先講湯底，豚肉麵湯底都幾咸下，喜歡濃味的朋友應該會喜歡。。。。再講塊豚肉，我呢碗既豚肉唔知係咪舊肉切到尾尾個塊，完全不是上面餐牌中的半肥瘦肉，呢塊係好硬既肉。。。然後講d麵，我選擇左適中軟度麵，都幾有咬口，但未到彈牙質地，偏硬多d，份量還好的。最後講隻溫泉蛋，無可否認隻蛋好好食！ 全碗最好食係隻蛋。。。！朋友嗌的是雞叉燒味玉。先講肉，雞肉比豚肉好食，煮得好淋好滑，而且都有2至3 大舊雞肉。 再講湯底，呢碗既湯味道比豚肉的淡d，喜歡淡味道的朋友會喜歡！ 結論係，雞肉比豚肉好食，但全碗麵最好食係溫泉蛋lol 只能說不要對多人排隊的餐廳抱太大期望。