影片
更多
2021-12-18
37 瀏覽
今天跟朋友在將軍澳行街，夜晚一齊在這邊的商場搵好嘢食，見到呢間台灣餐廳幾靚食物選擇又多就決定入去食。環境好小清新，好多卡位，坐得好舒服。《三杯雞定食》$88呢個定食非常豐富，仲有原盅燉湯，勁足料又清甜，仲有娃娃菜，成個餐感覺好健康，有肉有菜有湯，三杯雞非常入味，唔會好孩，整體都好味。《紅燒牛筋三寶麵》$79我哋要咗麻辣湯小辣，嚟到先知原來辣係自己加，咁樣嘅安排都幾好因為我都唔食得太辣，麵條煙韌有口感，牛三寶都炆得好淋易咬，我爺爺都大讚！《桂花雞翼五隻》$42呢個係即叫即炸，所以外皮非常香脆，又薄，雞肉好嫩滑有肉汁，不過略嫌有少少唔入味，幸好有桂花汁可以沾。《特製酸菜魚》$128估唔到呢度都有酸菜魚食，喺度諗緊會唔會係台式嘅做法，果然味道都唔錯，最值得一讚係魚片，非常滑同埋無骨，同喺出邊食貴價中式酸菜魚用嘅魚片差唔多，但呢個平好多，如果酸味再濃啲更加好，不過性價比非常高了。《香酥五花肉》$42呢個唔係周圍都有得食，整得非常唔錯，好酥脆，五花肉超爽口，但係如果減肥中嘅人士就唔好食太多啦。最後飲品方面，嗌咗蜜桃烏龍蘆薈同埋水果茶，意料之外嘅好飲，茶底香濃，甜度恰到好處，好滿意，總括嚟講我哋覺
環境好小清新，好多卡位，坐得好舒服。
《三杯雞定食》$88
呢個定食非常豐富，仲有原盅燉湯，勁足料又清甜，仲有娃娃菜，成個餐感覺好健康，有肉有菜有湯，三杯雞非常入味，唔會好孩，整體都好味。
《紅燒牛筋三寶麵》$79
我哋要咗麻辣湯小辣，嚟到先知原來辣係自己加，咁樣嘅安排都幾好因為我都唔食得太辣，麵條煙韌有口感，牛三寶都炆得好淋易咬，我爺爺都大讚！
《桂花雞翼五隻》$42
呢個係即叫即炸，所以外皮非常香脆，又薄，雞肉好嫩滑有肉汁，不過略嫌有少少唔入味，幸好有桂花汁可以沾。
《特製酸菜魚》$128
估唔到呢度都有酸菜魚食，喺度諗緊會唔會係台式嘅做法，果然味道都唔錯，最值得一讚係魚片，非常滑同埋無骨，同喺出邊食貴價中式酸菜魚用嘅魚片差唔多，但呢個平好多，如果酸味再濃啲更加好，不過性價比非常高了。
《香酥五花肉》$42
呢個唔係周圍都有得食，整得非常唔錯，好酥脆，五花肉超爽口，但係如果減肥中嘅人士就唔好食太多啦。
最後飲品方面，嗌咗蜜桃烏龍蘆薈同埋水果茶，意料之外嘅好飲，茶底香濃，甜度恰到好處，好滿意，總括嚟講我哋覺得呢餐都好唔錯。
張貼
