楚撚記大排檔

營業中

休息中

又黎食楚撚記，老豆鍾意食大牌檔既關係，一家人食飯諗唔到食咩就會黎食，雖然話楚撚記係大牌檔，但佢係室內嘆住冷氣甘食，而且周圍既裝修都好有特色💕所以坐得好舒服😌☑️楚撚記小炒王哩個係我至愛，次次黎都一定要叫，小炒王除咗有我勁鍾意食既韮菜花之外，仲有腰果，蝦，魷魚，炒出黎真係勁香💛☑️味菜豉椒辣炒豬肚牛栢葉平時除左飲茶，好少機會食到牛栢葉，甚至乎宜家好多飲茶既地方都冇牛栢葉😭所以一見到牛栢葉就即刻點咗，豬肚同牛栢葉爽口入味。☑️菠蘿拔絲咕嚕肉食咕嚕肉我真係超驚食到成啖都係肥肉個種，而哩到既咕嚕肉係用梅頭，所以完全唔會肥，啲肉質係嫩滑，配埋酸酸甜甜既汁，除咗有菠蘿同青椒之後，仲有啲罐頭桃💛☑️啫啫滑雞煲有別於一般辣既雞煲，啫啫雞煲係用醬油炆成，所以係唔辣既，雞肉嫩滑入味，除咗有雞之外🐥仲有豬潤🐷其實平時我係唔食豬潤既，今次試左一舊，又幾好食喎，唔會有個種粉感，而且又入味～☑️避風塘鮮魷哩碟又係我次次都encore，本身我就超鍾意食海鮮，加上炸既魷魚通常都唔會出錯，炸到又脆又香，裹埋啲避風塘炸蒜🧄，雖然有見到少少辣椒既蹤影，但食落真係零辣味🌶唔食得辣既朋友仔都可以放心叫啦😌☑️芝士琵琶豆腐哩碟係我最唔鍾意既