蘇媽.蘇媽馬來西亞茶餐室

營業中

休息中

昨日下午去了旺角上海街的蘇媽蘇媽，點了一個咖央多，一個雞脚肉骨茶，一個檳城白咖哩油面，一個檳城炸滷肉卷，一個凍咖啡，一個冬瓜龍眼茶。咖央多方形一開四，感覺好似三角形方便進食D，咖央醬偏多，食既時候容易漏，面包烘得不夠，咖央味道一般。雞腳肉骨茶，三隻雞腳，雞腳瘦，肉骨茶都算夠味，而且兩個人叫一份，已經可以兩人不斷添飲。白咖哩油面，幾隻蝦，魚蛋，豬紅，半隻蛋，少少芽菜。湯底偏淡，近乎不辣，有好淡椰漿味，半隻蛋烚熟，並非流心，豬紅幾爽，亦算有味，魚蛋都一般，唔算鮮味，亦唔算彈牙，蝦唔算大隻，亦唔新鮮，油面亦唔算爽口。炸滷肉卷，用一層腐皮包住芋頭碎粒同蘿蔔粒，(滷肉就唔覺有啦)，以半煎炸至金黃，香口既，但涵料偏滯，口感不佳。咖啡夠味亦夠質感，夠creamy龍眼冬瓜茶甜度剛好，清涼消暑，不想喝啡，茶，汽水既不錯選擇PS.食過深水埗另一間，味道似乎好少少。