影片
更多
2020-09-20
288 瀏覽
平時食開深水埗嗰間，今日去旺角行街，就試吓旺角嗰間。呢度都係好多人排隊，慶幸呢一間比較大，座位比較多，所以排隊都唔會太長，大約排咗半個鐘左右，就入得去食。座位方面，就闊落過深水埗嗰間好多，起碼同人與人之間嘅距離多番少少，同埋可能多位啦，食落都冇咁大壓力。今次就食返平時都鍾意食嘅面，串燒同埋肉骨茶。叫咗個叻沙湯麵，好重口味，好可惜冇咩餸。下次試吓個白咖喱先。肉骨茶方面，唔知點解硬係覺得佢冇深水埗嗰間咁濃郁。食完呢冇一陣好重嘅回甘中藥味，所以覺得深水埗嗰間好食啲。串燒方面，佢個醬汁就真係好明顯有出入啦。好明顯佢個醬汁真係偏甜， 深水埗嗰間係重口味野味同偏辣啲。所以我都係鍾意深水埗嗰間多啲。令一個係今次喺呢度先食到，唔知係咪新Menu呢？我地點左玻璃魷魚通菜，雙重介咉多。兩個都超級好食，玻璃魷魚通菜好重口味好重蒜味！玻璃魷魚亦都好爽口！雙重介咉多亦都好好味，朱古力味同介映味好夾，牛油嘅味道啱啱好，令到個包更加滑，亦都唔會搶咗個包味。嘢飲方面就點左斑斕椰汁冰，同埋冬瓜龍眼冰。斑斕椰汁冰個味道好一般，似係攞粉溝出嚟，粉味濃郁，口感都麻麻地。龍眼冰就好龍眼冰，正常。總括來講係個新Menu比較突出，
今次就食返平時都鍾意食嘅面，串燒同埋肉骨茶。叫咗個叻沙湯麵，好重口味，好可惜冇咩餸。下次試吓個白咖喱先。
肉骨茶方面，唔知點解硬係覺得佢冇深水埗嗰間咁濃郁。食完呢冇一陣好重嘅回甘中藥味，所以覺得深水埗嗰間好食啲。
串燒方面，佢個醬汁就真係好明顯有出入啦。好明顯佢個醬汁真係偏甜， 深水埗嗰間係重口味野味同偏辣啲。所以我都係鍾意深水埗嗰間多啲。
令一個係今次喺呢度先食到，唔知係咪新Menu呢？
我地點左玻璃魷魚通菜，雙重介咉多。兩個都超級好食，玻璃魷魚通菜好重口味好重蒜味！玻璃魷魚亦都好爽口！
雙重介咉多亦都好好味，朱古力味同介映味好夾，牛油嘅味道啱啱好，令到個包更加滑，亦都唔會搶咗個包味。
嘢飲方面就點左斑斕椰汁冰，同埋冬瓜龍眼冰。斑斕椰汁冰個味道好一般，似係攞粉溝出嚟，粉味濃郁，口感都麻麻地。
龍眼冰就好龍眼冰，正常。
總括來講係個新Menu比較突出，座位比較舒服。其他味道上就真係深水埗比較好食啦
張貼
