影片
更多
2018-01-20
1563 瀏覽
自己對麻辣嘅食物有條癮，抽起條筋又想食，尤其是有時都會番深圳食啲串串香，好鬼吸引。香港唔係好多地方有得食，咁見過人地介紹呢間位於中環嘅瘋狂小面有供應，揀左個happy friday過來試下試。餐廳位於中環士丹利街，南記旁邊嘅樓梯上一樓就係，一開lift就見到。呢度裝修都幾有心思，禮拜5晚都幾好生意！睇過餐牌，選擇就唔係話好多花款，本來好想試個燒白，因為自己不嬲都好鐘意食，但限量架，今次食唔到…嗚另外有啲d大排、牛肉、肥腸、豬肝，食唔到辣嘅有蕃茄湯底同酸菜豬肚粉。瘋狂牛肉麵，bb辣，bb麻牛肉大約有4、5件，睇落有少少似牛腩、牛展，燜到好lum，牛肉唔會太痴牙。我揀左紅湯，bb辣，見到流哂口水。湯底唔會好油，辣度、麻辣好溫和，因為我唔太食得辣，啱啱好。麵質幾得意嘅，曲身，有d似公仔麵，呢隻口感冇平時d擔擔麵咁重，就煙un彈牙d，食完亦都唔會太飽滯酸辣粉，加辣少麻朋友點左酸辣粉，佢係好鐘意食重慶果種酸辣粉嘅人，咁我問番佢佢就話呢度嘅酸辣粉比較貴d，連埋飲品要68蚊，可能食番牛肉麵、其他模材料會抵食d。酸辣粉都幾大碗，咁入面有肉碎、花生、蔥粒、一條菜心。佢比較食得辣，所以就點左加辣，少麻，湯
餐廳位於中環士丹利街，南記旁邊嘅樓梯上一樓就係，一開lift就見到。呢度裝修都幾有心思，禮拜5晚都幾好生意！睇過餐牌，選擇就唔係話好多花款，本來好想試個燒白，因為自己不嬲都好鐘意食，但限量架，今次食唔到…嗚
另外有啲d大排、牛肉、肥腸、豬肝，食唔到辣嘅有蕃茄湯底同酸菜豬肚粉。
瘋狂牛肉麵，bb辣，bb麻
牛肉大約有4、5件，睇落有少少似牛腩、牛展，燜到好lum，牛肉唔會太痴牙。
我揀左紅湯，bb辣，見到流哂口水。湯底唔會好油，辣度、麻辣好溫和，因為我唔太食得辣，啱啱好。
麵質幾得意嘅，曲身，有d似公仔麵，呢隻口感冇平時d擔擔麵咁重，就煙un彈牙d，食完亦都唔會太飽滯
酸辣粉，加辣少麻
朋友點左酸辣粉，佢係好鐘意食重慶果種酸辣粉嘅人，咁我問番佢佢就話呢度嘅酸辣粉比較貴d，連埋飲品要68蚊，可能食番牛肉麵、其他模材料會抵食d。酸辣粉都幾大碗，咁入面有肉碎、花生、蔥粒、一條菜心。佢比較食得辣，所以就點左加辣，少麻，湯底上枱嘅時候已經聞到好大陣炒辣椒油嘅味道，同平時食開嘅酸辣粉唔同。朋友食完第二日都有肚子唔舒服，唔知關唔關太油膩事。
其實都明白酸辣粉本身係偏油膩嘅食物，不過佢都話有少少油得滯，如果唔鐘意/或者唔係好食得油膩野嘅朋友，都係建議點番其他粉麵。
薯粉煮得煙un，肉碎份量不少，撈起上來都幾惹味，略嫌就少左d酸菜，其實佢入面都有少少酸味，不過加番d酸菜口感會更好。
點左加辣，辣度尚算可以，辣度偏溫和，麻味香。
砵砵雞
2人餐，總共60串，一半素，一半肉，冇得自選，由餐廳安排款式。我地揀左麻辣湯，熱上；唔知係咪因為星期五，客人較多，呢份砵砵雞都等左差唔多20幾分鐘。賣相有點預期之外，揀左麻辣湯，唔會見到好多辣椒同花椒，湯底好清，灑左大量白芝麻，聞到好香，辣度超溫和，唔食辣嘅我都接受到，朋友食得辣，就覺得好淡。聽講話係四川嘅民間傳統小食，呢度價錢唔平，圍起上來都接近4蚊串。
入面有青瓜、菇、菜心、豆乾、蘿白、柯荀、淮山、豬耳、牛肉、雞肉、雞潤、腸、海帶等，要拎出來先知道係咩。
配料簡單，功夫應該係花左喺串食材方面，同意某部分評語話份量較少，一串多數得一件，極奇量有啲有兩粒，性價比唔高，當過下口癮。
成都老冰粉
來呢度必點啊，好抵食，食完d酸、辣、重口味野之後來一客老冰粉一流。
口感豐富到爆，有提子乾，黑白芝麻、花生等，清涼解膩，唔會太甜
點麵可以配套餐，加埋飲品68蚊，部分要再加錢；咁再埋糖水加多10蚊，咁都係78，中環區來講，都唔算太貴
我諗大部分人都會要飲品啦，至於小食、糖水要唔要就悉隨專便。
張貼
