桃園潮州粥麵 (已結業)

德勝之後無耐已經開始肚餓，先吃個簡餐後再捱夜，見掛著大堆頭的牛雜、腩，反正未試過，就試試看。似是高級一點的粉麵舖，光猛企理，原來開張都有幾年，魚蛋、牛腩、雜什麼都有。見餐牌幾多野食，擺近來睇下，伙計見到將牌拿走，之後偶再拿近看，他又再次拿走，專登唔出聲，拿拿臨拿近望完價錢，叫了個Tea set，雜麵配炸魚皮，睇下佢點做，結果佢由再次拿走個餐牌，好似唔想人睇咁，佢既反應又真係幾得意。講返碗麵，是潮式清湯底，嫌腩汁味道唔夠濃郁，還是華南的對口味。肺同膀微腥，最最大惡極的，還是牛腸，竟然是去晒油的大腸，麵的鹼水味幾重，無心機食，又撿些魚皮內吃，唔錯，當然想食魚皮當然去水記。Tes Set買單要成32，都唔平。