桃園潮州粥麵 (已結業)

My mom was telling me how this shop used to be famous for their Fish Balls and Briskets in rice noodles - done in a typical Chiu Chow style. The Beef Brisket is cooked in Lo Shui, but these came a little too hard to bite! The beef offals were also slightly overcooked.The Soup that came with the Rice Noodles however was very very good - it had no detectable MSG in it, but was sophisticated for a Lo Shui. I will come back just to eat a plain 腩汁河粉 !! *********************Original Review @h

經常路過此餐廳，今天決定一試。兩點半，人客不多，有很多位坐，地方尚可以，但絕不是朋友聚會地方，快來快去午餐也免強，我坐了四人枱，叫了紫菜四寶湯河，不到一分鐘，已送到面前。外觀有少許像人家吃後的東西，但望味道可以改寫我午餐的食慾，可惜也是十分平凡，湯不濃，紫菜味淡，魚片不爽囗…其餘的也不用多提。我不懂欣賞，也不會再去。

之前食過一次桃園, 今次再幫襯中環桃園潮州粥麵!環境這店很細，午飯人潮客流量高 食物我們二人叫了八寶粗麵 HK$30-八寶有牛腩 牛丸、牛筋、牛肚、墨丸、魚皮餃、炸魚皮、 豬肉丸, 炸蒜紫菜四寶河 HK$23-四寶有魚蛋, 墨丸, 魚皮餃及豬肉丸 有方魚肉碎,魚皮餃、魚旦最鮮味，味精不少服務侍應態度 = 服務 ‘Zero’整體而言以中環標準, 這裡食物價錢便宜, 足料份量頗大,吃得夠飽飽!

河粉是我第二最愛!!!這碗牛什河河粉非常入味,平時通常吃湯河,河粉不入味,根本不知道自己在吃什麼呢!!!不過這裡的牛什不算很好吃此外粉腸也比較肥不過很難得這樣入味順便一提,這裹的牛腩是不黏牙的!!!平時不敢吃牛腩的一大問題就是黏牙了這裹的牛腩就是標榜不黏牙,是真的呀!!!而且這間店是在黃金地段開設,但價格也不算很貴魚旦粉也不過20元牛什河就21元到環境就差一點但服務不錯呀也可以值得一食!!!

7月28日（星期三）中午，是日溫書前去找女友吃午飯，不過女友感到有點不適，胃口不好想吃點粥品，於是便帶女友來這裡，女友既可以吃粥而我又可以吃麵。店子很細，午飯人潮更是坐得多一個便坐多個，亦正因如此，客流量高，就算要等位也不用太久。我們被安排坐在僅僅可以讓二人坐下的一邊卡座，雖然這裡有粥吃，但祇有數款而已，女友選擇吃冬菇肉碎粥，我看了很久才想到點咸菜滷水牛肚牛腩麵。咸菜滷水牛肚牛腩麵的份量十足，牛肚和牛腩的份量都比我想象中多，可惜給我的牛肚祇是普通牛肚而不是我愛吃的金錢肚，雖然炆得夠軟腍，感覺上始終略有所失，而且牛腩無論外形和口感都十分像五花腩，肉質結實，部份還有一層層的肥羔，麵亦不夠爽口，最嚴重的是湯底，味道比咸菜還要鹹。因為這碗麵實在太大碗（對我來說），所以沒有試女友的冬菇肉碎粥，不過材料好像也不少，粥底好像是收到單後才把米飯放落水裡滾起的，而女友吃過後卻說不錯。這裡是否正宗潮州粥麵，我不敢說，但我卻可以肯定這裡食物價錢便宜且吃得夠飽肚。

以往在中環加班, 收工後往往是去桃園開餐, 這個"桃園", 跟三國"桃園結義", 台灣"桃園機場"寫法相同, 並不是"桃花源記"那一個"桃源", 不要弄錯這天又是加班, 好久沒吃過桃園, 特來光顧, 其實我比較喜歡以前電車路那一間桃園分店, 貪其除粉麵外還有飯和撈丁可供選擇, 可惜已經執左, 已成歷史點了好久沒吃過的八寶粗麵, 八寶有牛腩、牛筋、牛肚、魚皮餃、炸魚皮、牛丸、墨丸、豬肉丸, 炸蒜還是任加, 認真大堆頭, 如此大碗只賣$30, 在中環邊度搵丫牛腩水準不穩是這裡的老問題, 牛腩不是柱侯牛腩般入味, 也不像清湯牛腩般爽口, 是用牛湯鹵水炆出來的牛腩, 有時很入味又爽口, 但有時過咸又黐, 是牛腩的最大問題, 今天的牛腩介乎兩中間, 不過不失牛筋是比較穩定, 膠質重, 炆得腍, 而且很大件, 這裡的八寶麵, 牛類好似唔駛錢咁, 每樣都有幾件, 反而丸類每款只得一粒這裡的牛肚一向是至愛, 但奇怪地, 以前在新店吃的牛肚, 是六角型的網胃, 今次食的, 是瘤胃, 正好開正我所好, 這裡的牛肚爽口不黐牙, 一咬已經跟著纖維散開, 正魚皮餃很多地方都是買現成的, 這裡是不是自己包我求證不

見呢間嘢成日有條龍係門口，又唸唔倒吃咩, 於是走入去試下, 點知嗱嘢......叫碗牛雜米，完全零味，唯一可取之處係所有嘢都係熟嘅......唔明點解間嘢可以生存咁耐.

哩日約左fd 一齊食lunch. 近近地行兩步黎左桃園食粉麵, 其實想食飯多d, 但粉麵就平囉.等左兩個字位左右. 叫左個紫菜四寶河$23魚蛋同墨丸都幾彈, 但冇江仔記既咁鬼彈.我不嬲都唔食墨丸, 因為o係屋企食o個d 成日都整到勁林好似食緊舊粉團咁. 但哩間又ok彈牙. 可能因為成碗得一粒既關係, 所以我唔太抗拒牛丸都唔夠彈. 只係中等貨色魚皮較一隻. 包得唔太實, 魚皮唔夠彈, 咬下有點硬, 唔好食. 但入面都幾多肉, 仲有肉汁添.河粉係幼既, 易斷, 但食落口又唔會成口粉咁. 都算係咁.台邊有點配料, 好似有炸蒜同辣油o個d. 炸蒜唔脆, 有點硬.睇落去有點細碗, 但食落都係細碗架啦, 一碗平平凡凡普普通通既熱粉麵吧.

9-9-2009一向最喜歡九龍城潮州店 (http://www.openrice.com/restaurant/commentdetail.htm?commentid=1932051) 的炸魚皮, 阿爸就話中環呢間粉麵店的炸魚皮比九龍城仲好食, 呢日 lunch 又嚟睇吓佢有幾巴閉. 先嚟炸魚皮, 又真係幾好食 -- 無乜魚味, 但完全無油, 好薄好脆, 令人諗起上海店的「炸響鈴」(http://www.openrice.com/restaurant/commentdetail.htm?commentid=1910561), 手勢唔錯喎 不過我都係鍾意九龍城的多 d 主食係紫菜四寶米: 米粉淥得剛好, 夠晒爽口; 湯底無乜 MSG 痕跡, 但味道真係頗淡, 辣椒油又一味辣, 唔夠香, 不過落一點仍然好食 d; 紫菜黐埋一餅嘢, 可幸食落夠香又無沙;「四寶」有魚蛋, 墨丸, 魚片, 魚皮餃及豬肉丸各一, 仲有一堆方魚肉碎, 魚皮餃叫做最好食, 餡一般靚, 但起碼皮薄又爽, 其他真係食完都無印象.環境一貫中環 lunch hour 的超級人多擠迫, 招呼就又快又準, order 後

陪MOMMY去中環買耶，想食魚蛋米，本來想去羅富記，但係見到呢間，未食過，時吓啦，魚蛋米有兩（米立）魚蛋，兩片魚片，同一片魚片頭，湯底白色，味道我嫌唔夠鮮，米粉OK啦，MOMMY叫左上湯白蘿蔔，試左舊，HMM。。。冇味嘅？？再試多次，有甜味，但係明顯唔係蘿蔔清甜味，似落左糖，返到屋企個喉嚨好乾，似乎好多味精，以後唔去啦

中環區真係無咩邊檔有好食既牛什面, 上黎openrice search, 見呢間打正旗號話潮州, 所以一試。點了咸菜牛肚河,咸菜比我想像中無咁好食,相信我係街市都可以買到一舊好d 既,牛肚係好林丫, 鐘意食林既可以一試。(但係至敝我唔係無牙丫痳, 要咁林把鬼?)牛肚無牛肚味, 好似無咩味道咁, 搞到我勁落辣油,真係無咩邊到既辣油可以比我評為無味......呢到都係第一間, 連對面三多都好過佢...哎呀, 潮州粉面唔係咁樣架,點可以連個辣油都唔惦架?仲有河粉太滑, 唔係係好事定壞事,個碗又細, 未食曬d 粉已發左~ -"雖然話廿幾蚊, 但係我寧願去南記都唔黎呢到law

潮州妹自細食魚蛋粉食到大...又唔知點解鬼咁鍾意食內臟...不過點解0係中環呢個出名多野食既地方, 唔係好覺有牛雜粉?桃園就0係我公司對面, 又大正旗號係食潮州粥麵梗係要試下(中環真係有好多粉麵鋪, 但係牛雜粉就真係好少?? 有無人有好介紹?)我每日都差唔多兩點先食飯, 但係次次落到樓都見桃園要排隊唔通好正? 如果唔係點解咁晏都咁多人排隊?打開餐牌, 第一樣吸引到我既就係"咸菜"...對眼即刻發光 grandma 同爸媽都鍾意叫我做咸菜妹...我係有咸菜就得...本來打算叫咸菜肚肺米線, 點知姐姐話無肺...>.<所以就叫咸菜牛雜米線啦...加左咸菜成碗麵即刻唔同晒...(好明顯係我既個人偏好 )不過講真, 呢度d 咸菜唔錯, 加左落碗麵度, 湯底都有d 咸鮮味牛雜一般啦...牛肚係几香又夠淋, 其他都過得去可惜米線略嫌淋左d...一定有下次, 一黎近公司, 二黎除左桃園, 我未發現到有第二間有得加咸菜為左咸菜...一定有下次...

今天吃了HKD22蠔仔粥做午飯。聽說是不錯的，所以又俾多一次機會桃園。粥的湯底幾清，唔會好咸。相信米已經泡足夠時間，所以開始化開。蠔仔數目不算多，沒有太濃蠔味/鮮味。配上木魚和蔥，幾香。今次無上次那麼口乾了﹗

這天午飯要了一個HK$29大元的八寶河外賣。這店很貼心，把河粉分開上，唔會無晒d汁。婉一有炸魚皮、牛肚、牛根、牛腩同河粉，婉二有魚蛋(有兩粒)、魚皮餃、豬肉丸、牛丸。河同餸各佔一半。牛肚、牛根、牛腩都夠lum，但係味道比較淡。其他餸都係普通貨色，反而夠味。個湯好清亦比較淡，原已為味精少，但食完之後勁想飲水。下次食一定要加辣椒油，聽說不錯呢﹗

跟同事行遠少少過黎呢邊食, 坐低唔知食乜就跟牌叫左個五花腩撈粗. 唔錯喎, 薄切得黎都仲無切斷哂, 而且D 份量都幾多, 成個碗面都滿, 十零塊應該走唔甩. 個底仲有幾塊生菜添, 油菜都可慳返. $25 黎講份量真係滿分, 味道一般啦