影片
更多
2023-05-03
366 瀏覽
通常放題最多都係2小時，呢度竟然係無限時，係無限時呀………..慶祝朋友生日，當然要食好D，就呢個A5和牛燒肉日式放題，每位$638手機落單，食物種類一目了然，分別有和牛燒肉類/米澤豚/鷄肉/海鮮/和食刺身類等除咗任食，當然都包埋任飲，自己各取所需一開波先黎個刺身先啦，多款大路選擇，叫幾款就變成刺身拼盤。最吸引我除咗甜蝦外，仲有帶子，鮮甜味美。食緊刺身時，侍應已自動送上燒肉拼盤，各款肉類都有D，比你食過好味就再加單。最吸睛當然係兩款日本和牛啦，油脂分佈均勻，厚度用於燒肉適中。無論肉眼或西冷，同樣入口即溶，油脂香係口內爆發，輕鬆幹掉一件，要回本何其容易，哈哈哈。即刻追加啦燒肉類除咗牛，仲要推介佢嘅羊胺，一件已開邊，無論燒定食都方便好多。肉質鬆軟又唔太”蘇”。食肉食到咁上下，又可以燒下海鮮，有我最愛嘅多春魚呀，仲有大隻嘅墨魚仔及八爪魚。帆立貝當然都唔可以錯過，仲要牛油燒燒完粒貝肉都唔細隻，肉甜唔痴牙。想食蔬菜類就出自助區夾，拎咗秋葵，青椒同菠蘿燒完嘅菠蘿，酸甜又多汁，可分解肉類蛋白質，決定要食多幾片。呢度仲有天婦羅，叫咗蕃薯，南瓜及冬菇，用黎送呢個清湯烏冬仲有其他炸物架，最愛炸香芋丸，外脆內
慶祝朋友生日，當然要食好D，就呢個A5和牛燒肉日式放題，每位$638
手機落單，食物種類一目了然，分別有和牛燒肉類/米澤豚/鷄肉/海鮮/和食刺身類等
除咗任食，當然都包埋任飲，自己各取所需
一開波先黎個刺身先啦，多款大路選擇，叫幾款就變成刺身拼盤。最吸引我除咗甜蝦外，仲有帶子，鮮甜味美。
食緊刺身時，侍應已自動送上燒肉拼盤，各款肉類都有D，比你食過好味就再加單。最吸睛當然係兩款日本和牛啦，油脂分佈均勻，厚度用於燒肉適中。
無論肉眼或西冷，同樣入口即溶，油脂香係口內爆發，輕鬆幹掉一件，要回本何其容易，哈哈哈。
即刻追加啦
燒肉類除咗牛，仲要推介佢嘅羊胺，一件已開邊，無論燒定食都方便好多。肉質鬆軟又唔太”蘇”。
食肉食到咁上下，又可以燒下海鮮，有我最愛嘅多春魚呀，仲有大隻嘅墨魚仔及八爪魚。
帆立貝當然都唔可以錯過，仲要牛油燒
燒完粒貝肉都唔細隻，肉甜唔痴牙。
想食蔬菜類就出自助區夾，拎咗秋葵，青椒同菠蘿
燒完嘅菠蘿，酸甜又多汁，可分解肉類蛋白質，決定要食多幾片。
呢度仲有天婦羅，叫咗蕃薯，南瓜及冬菇，用黎送呢個清湯烏冬
仲有其他炸物架，最愛炸香芋丸，外脆內有香甜芋蓉，熱度十足，正呀。
臨尾點少得Movenpick雪糕，每位一客，再飽都要食，作為呢餐完美句號。
若果食一盒雪糕都仲未夠皮，仲可以出去”補給”，多款日韓雪條及本地製雪糕杯，仲有雪米糍。
張貼
