酒鍋 (V Point) (已結業)

今晚同好友們食個開年飯，走左間靚靚餐廳打邊爐，個景真係無得頂😍😍，望到維園大海景，香港風景其實真係好靚，淨係個景已經值滿分。我地叫左個酒鍋佛跳牆，超濃超多料既湯，我地一人飲左一兩碗，有雞腳、冬菇、花膠、海蔘，仲有兩條魚，係墨魚丸黎，碗湯真係好足料好味。淨番少少湯就再加湯打邊爐了。我們叫左頂級安格斯牛小排，佢賣相好特別，掛住一排牛肉，幾攪鬼，都幾好味；仲叫左象拔蚌仔，好鮮甜；黑松露蝦蟹餃就無乜黑松露味；蜂巢豆腐吸晒d湯汁，好入味。飲品就叫左紫貝天葵，係個電燈膽形既樽，味道好似利賓納咁。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊