影片
更多
2021-04-04
1065 瀏覽
小薯復活有五日連假，難得撞正老公都off，特登同婆婆請一日假，放低兩個囝，兩公婆出去拍下拖食好西。「日山」裝修好靚，入門口有一條竹林路，行到入去望住維港大海景，心曠神怡。我同老公叫左兩個壽喜燒A5和牛套餐（$598+10%@each set）《前菜：梅酒車厘茄+貝柱茶碗蒸+薯仔沙律》師傅將梅酒做成啫喱，包住已剝皮既車厘茄，一啖放入口好清新，略嫌梅酒味不足，不過就老少咸宜；貝柱茶碗蒸同薯仔沙律就比較普通。《刺身》刺身好新鮮，有三個款式，我自己最鍾意帶子，帶子放喺青檸上面入口好開胃好特別。《和牛：宮崎縣A5和牛牛肩胛肉》依個套餐用既和牛部分會不定期嚴選，而今次食既係A5和牛牛肩胛肉。壽喜燒兩食：第一款生蛋壽喜燒配燒大蔥同豆腐，最經典既食法加上特級和牛，當然冇得輸，入口即溶，而且濃濃既油脂香充斥住口腔，最加啖白飯，滿足。第二款係壽喜燒加冬菇翠玉瓜，下面既米粉索哂壽喜燒汁，同樣香口惹味，但個人都係較喜歡第一種食法。《甜品：柚子雪糕》成個套餐以柚子雪糕結尾，雪糕好冰凍，而且酸酸甜甜咁，一解和牛油膩。總結整個套餐都很完整，和牛亦非常出色，尖沙咀區加無敵大海景，六百幾蚊一位一個lunch都算可以接受
「日山」裝修好靚，入門口有一條竹林路，行到入去望住維港大海景，心曠神怡。我同老公叫左兩個壽喜燒A5和牛套餐（$598+10%@each set）
《前菜：梅酒車厘茄+貝柱茶碗蒸+薯仔沙律》
師傅將梅酒做成啫喱，包住已剝皮既車厘茄，一啖放入口好清新，略嫌梅酒味不足，不過就老少咸宜；貝柱茶碗蒸同薯仔沙律就比較普通。
《刺身》
刺身好新鮮，有三個款式，我自己最鍾意帶子，帶子放喺青檸上面入口好開胃好特別。
《和牛：宮崎縣A5和牛牛肩胛肉》
依個套餐用既和牛部分會不定期嚴選，而今次食既係A5和牛牛肩胛肉。壽喜燒兩食：
第一款生蛋壽喜燒配燒大蔥同豆腐，最經典既食法加上特級和牛，當然冇得輸，入口即溶，而且濃濃既油脂香充斥住口腔，最加啖白飯，滿足。
第二款係壽喜燒加冬菇翠玉瓜，下面既米粉索哂壽喜燒汁，同樣香口惹味，但個人都係較喜歡第一種食法。
《甜品：柚子雪糕》
成個套餐以柚子雪糕結尾，雪糕好冰凍，而且酸酸甜甜咁，一解和牛油膩。
總結整個套餐都很完整，和牛亦非常出色，尖沙咀區加無敵大海景，六百幾蚊一位一個lunch都算可以接受。
張貼
