日山 (海運大廈)

營業中

休息中

位於尖沙咀的壽喜燒專門店「日山」選用日本國寶級和牛，以極緻品質和牛入饌，配以秘製壽喜燒湯汁，為食客帶來頂級壽喜燒體驗！週末限定午市套餐有5款主食選擇，當中一定必試其有名的A5和牛壽喜燒！🍴前菜 Starter🍴頭盤 Appetizer🍴蒸蛋 Steamed Dish🍴刺身 Sashimi🍴漬物 Assorted Pickles🥩薄燒A5和牛海膽丼飯 A5 Wagyu Donburi with Sea Urchin ($538)海膽新鮮肥美，A5和牛片片入口嫩軟，擺盤有心思，綴以魚子醬，口感極致！🥩壽喜燒A5和牛嚴選部位2片及野菜盛 Daily Selection of Sukiyaki A5 Wagyu 2 Pieces with Assorted Vegetables ($598)A5牛肩胛及西冷油花豐富，師傅在旁即場燒，並以2種不同方法上菜：一片先沾滿蛋汁，入口順滑，配上香煎京蔥，極之惹味！另一片則配上日本生蛋及麵條，伴之冬菇及露荀，令人回味無窮！🍨甜點 Daily Dessert

—🧊 冷豆腐 | 漬香菇 | 蟹肉茶碗蒸🐟 幽庵燒 鮭魚🐮 A5和牛肩胛2片 配野菜 | 蒟蒻麵🍚 日本米飯🍲 味噌汁🍨 柚子雪糕—最近心心想念 想吃壽喜燒🤤難得見到Restaurant week日山有Set Lunch 即book!🥳原來香港日山是日本本店進駐開的 配以由東京店空運到港的秘製壽喜燒湯汁烹調食材🇯🇵幽庵燒鮭魚很好吃 好香的 外皮脆卜卜 魚肉生熟度是剛好😇A5和牛肩胛2片以為好少? 但食多其實都好膩 2片剛好👍配蛋汁同蒟蒻麵兩款都好味道😋

今日試吓海景壽喜燒。餐廳嘅環境10分雅緻，有單邊海景，維港景色一覽無遺。餐廳裝修都10分簡單，但係點和風日式風格。午餐有九款價錢有238至498。壽喜燒A五嚴選部位$498 和牛約100克先送上前菜，茶碗蒸十分香滑，海帶清新，柚子汁配上金菇，味道鮮味又清爽。壽喜燒和牛入口香滑，和牛充滿油脂，牛脂甘香，口感柔軟又肥美，但又唔會油膩，加上生雞蛋嘅蛋汁，口感非常滑溜，味道濃厚，再配上壽喜燒嘅甜味送飯一流。第二件和牛用上洋蔥風味，這和牛同樣的美味，肥美軟滑的和牛，肉纖維很幼細，加上甜美嘅洋蔥和壽喜燒汁，再配上芋絲味道更加清爽，好吃。在吃一口香軟嘅白飯10分滿足。麵豉湯清清地，味道唔會好濃，入口暖和，感覺舒適。柚子雪葩柚子雪葩味道清新，入口冰涼，味道甜甜酸酸，十分醒胃清爽，而且有解膩嘅作用。正！吃個滋味午餐，看看海，享受慢活時光，再努力上班去。

個個都標榜日山壽喜燒好食，終於有機會訂到枱一試，但lunch食落呢個價錢感覺係應該有嘅水準，不過不失！前菜A5和牛壽喜燒這道A5和牛壽喜燒真是讓人驚艷！煮之前，他們會拿出和牛讓你過目打咭，讓你感受到頂級食材的尊貴。一入口，在嘴裡融化，加上蛋汁的淋餡，有點太流了，所以一份二人分享已經剛剛好。再加上一些魔芋絲、洋蔥和冬菇等配料，體現壽喜燒的表現。但以$498的價錢，只屬應有的正常水準！A5和牛扒反之，這道A5和牛扒有驚喜！油脂均勻地分佈，讓每一口都能嚐到和牛的濃郁風味。可惜的是，上桌後沒有多久很快就凍嚕，有點失望。訂枱是揀咗生日聚會，上甜品時貼心地寫咗Happy birthday，是豆腐雪葩簡單好味道！持平啲講句環境確實舒適，服務確實有質素，這方面加分加分！

我去之前係睇左好多好評才決定去. 不過, 這在東京有米之蓮一星的餐廳真係令人好失望, 中價餐廳表現得比佢好好多.是日和家人同去慶祝家父生日. 本來滿心期待食物豐富, 然而卻是一次又一次的失望. 全晚共付了$1,782叫了一個dinner set 和4個散叫的食物.本來門口的裝修是很不錯, 但坐下來就發現其抽風系統很差, 3塊用來煎壽喜燒的鐵板就放了在我們隔離, 侍應一煎那個牛肉, 煙就直沖到我們枱上來, 搞到我地一身油煙味, 影響食物觀感, 全晚濃煙不散傳來陣陣惡臭.先來個前菜, 正正常常, 但佢地都好唔大方, 比得幾條海草同牛肉碎再來一個sashimi, 嘩....一共3樣, 每樣得4塊, 仲要薄到得3mm /塊, 個盤就大, 啲魚生就少. 講真, 收個客$498加一比得8塊sashimi, 4塊海膽, 佢地都真係好離譜, 直頭係搶錢.  蟹肉豆腐, 西京燒同海膽魚生飯都只係正常味道, 但份量一樣都係少得可憐, 我怕我爸吃不飽, 自己只吃了一口飯, 其他留比佢老人家食. 西京燒我吃了一片, 冇錯, 真係得一片雪魚肉都覺得道唔錯, 係成晚唯一食得過既野.最得人驚係呢個豚肉溫野菜, 嘩!

Dinner 有3-4個sets 可以揀，仲有a la carte～由於我地差吾多830pm 先去到餐廳，費事食得太飽，就揀左個5品嘅<日山 梅> set。套餐包兩塊A5和牛肩胛位，你可以加錢升級到肉眼或西冷部位。開頭以為吾夠飽，但最後我係食吾曬個烏冬，可能我太夜食飯無meh胃口。整體我覺得係中規中矩，牛肉肉質係靚嘅，不過前菜三品好咸。

今次又係因為海港城coupon而食既餐廳。其實早兩年已經間唔時黎食，但當時一位難求。開關之後book位易左好多，今次揀左平日午市。日山午市有12:30及1:30兩個時段，1:30比較少人入座，餐廳安排了海景位，十分貼心。前菜分別有三款。櫻花蝦茶碗蒸好足料，唔會食完兩啖就冇哂櫻花蝦，蛋味都好香。中間既柚子味菇味道特別，但醬料未必貼菇好夾。煙肉薯蓉creamy香滑，唔錯。其中一個主菜係seabass。肉質嫩滑，味道不錯。但麵豉湯同飯既份量明顯比以前少左，但都夠飽。身2款主菜係最出名既和牛壽喜燒。燒之前職員會介紹肉同埋煮法。今次職員會煮到7成熟。佢地都好貼心主動分兩份比我地share。入口好滑又香，keep到水準，必食。甜品係柚子味雪糕，一如既往有柚子肉，雪糕糕身唔會過硬。1000蚊左右二人lunch係偏貴，但食物質素高，服務好，有coupon值得再次光顧。

之前一直想試呢間壽喜燒所以同朋友去左午市$598 未加一有前菜 湯 刺身 職員會將牛肉拎去你面前俾你睇同影左相先拎去附近煮 7成熟本身request左海景位但可能太多人安排左係隔離枱用餐整驗：7.66

服務一般，態度一般，食物一般，相比價錢同質素完全唔值，有問題問完話再覆你就走咗去，一係求其答咗你了事，風景位唔多，唔好咁大期望。負評可信程度高，建議食之前可參考。

我嘗試了竹 TAKE 的套餐，當中包括：1. 季節前菜三品盛（包括水雲、螺、八爪魚）：儘管使用了新鮮的食材，但我認為這道菜的味道相對平淡。水雲、螺和八爪魚都是海鮮類的食材，可能在調味和烹飪方式上缺乏一些創新和層次感，因此整體味道較為一般。2. 壽司三點盛（包括金目錭壽司、鵝肝和牛壽司、和牛海膽壽司）：這道菜以三種不同的壽司組合為特色，都是高級食材，帶來令人滿意的味覺體驗。3. 慢煮北海道鮑魚：這道菜使用了北海道鮑魚，並進行慢煮處理。慢煮能夠使鮑魚變得柔軟且保留其鮮嫩的口感，配上肝醬，是傳統的做法，味道穩打穩扎。4. A5 西冷壽喜燒：和牛入口即溶，配上蘭王蛋，油脂在口中遊蕩，帶來極致的肉質口感和豐富的味道。5. 白飯：和牛配上白飯的組合，是必勝的。6. 甜品包括杮及蜜瓜：日本水果來說，甜度不算太高水準一般。值得一讚的是環境十分闊落，一入餐廳經過一條長走廊，給人一種很平靜的感覺。而且侍應服務質素十分好， 十分專業，值得推介。

自從之前食過呢到既壽喜A5和牛，就念念不忘，於是某週末2人去左海港城食lunch😁 照舊揀左2 set 壽喜燒A5和牛嚴選部位2片及野菜盛$598@ 呢個價錢包左前菜（蒸蛋,刺身,漬物），主菜，飯，味噌湯及甜品 刺身係魚類為主，個蒸蛋足粒兼滑身 牛肉每一個set共有2大塊，會提供生雞蛋俾你沾醬汁食，肥肉油脂唔會太多，壽喜燒汁係重點，味道好夾唔會太咸。 甜品係雪杷，可以俾大家清一清口腔 日山水準依舊不變，值得再去

带小孩，只是抱着看了一下shabushabu，经理直接说这个不是你的食物，请煮你食物的时候再出来看！不知所謂，我很想看寿喜锅怎麽煮的吗？只不过小孩想看，带他望下而已。你对抱着小孩的妈妈也太粗鲁了吧？我们才进餐厅没多久，整个心情都被影响了。经理服务成这个样子，让人非常失望。我在香港没有遇到这样的餐厅会这麽粗暴对待妈妈和小孩。你是经理你大晒，不用道歉添。实在没有考虑过顾客心情。等到我们在吃饭，她又叫其他服务员不断打断我们，说你依家可以来看啦！哈哈哈哈？？？搞笑。另外，餐廳還有🦟蚊子，咬到小孩成腿都係包！逼我写差评，浪费我时间跟你这些没有慈悲心的人没有服务质素的人讲些做人的基本常识

🎋🎋🥩🥩有好既環境、海景、美食，加加埋埋就係一個好令人期待既午餐星期六、日、假日既set lunch都有幾款選擇，包左前菜、頭盤、蒸蛋、刺身、漬物，亦都有白米飯、味噌湯同甜品前菜有五目煮，有豆同蒟蒻，加左少少菇同木耳絲，好爽口開胃，另一樣係漬物魷魚，酸酸既都幾清新，蒸蛋好滑刺身有油甘魚、吞拿魚、帆立貝，刺身每件都好冰凍，最好食係吞拿魚，好配合佢既鮮山葵，反而唔需要再沾豉油薄燒A5和牛海膽丼飯($538)成個飯都擺得好靚，海膽都有好多好鮮，其實齋望就覺得牛已經好吸引，海膽係bonus有好多件薄和牛，每件都好腍身，薄燒既生熟度恰到好處，佢個醬汁用左少少甜豉油醬汁，同飯都好好配合到，一啖可以食到三樣野👍🏻👍🏻👍🏻壽喜燒A5和牛嚴選部位2片及野菜盛($598)分開兩碗去整，同樣都用左壽喜燒煮法，味道鹹味比較濃，要配飯同蛋去食分別係肩胛肉同西冷部位，全部都黎自鹿兒島，肩胛位七成熟，西冷則五成兩件牛都好腍，個人覺得肩胛位牛味重d，西冷可能多雪花多油脂所以更腍👍🏻👍🏻👍🏻兩個都配左生蛋同蒟蒻麵，額外再配多一個珍珠米飯，真係超級飽最後甜品係柚子雪葩，好冰凍又有柚子皮係當中，好清新，酸酸既可以幫忙清走肉

屋企人生日🎂今次選擇再次到訪日山🎋先嚟頭盤前菜有酸甜開胃嘅梅子啫喱，店員會建議享受食物嘅次序。茶碗蒸好滑同足料👍🏻當造刺身新鮮鮮甜。A5和牛韃靼，和牛配脆芋片口感唔錯，有少少洋蔥粒增加層次感。主角出場⭐️ A5和牛片，店員會先送嚟俾你打卡影相🤭一個set入面有兩塊唔同部位嘅A5和牛片，油脂分布好靚。和牛被甜豉油煮過後依然嫩滑，入口融化。店員會根據你嘅進食速度控制幾時煮另一塊和牛俾你，非常細心👍🏻薄燒A5和牛海膽丼飯🧡 和牛份量十足，厚薄適中。海膽配和牛加一口飯好滿足😋整體環境舒服，海景位置打卡一流，喜歡私隱度高嘅寧靜角落亦有。服務細心有耐性，會再同屋企人嚟😊

Nothing special and won't be back for sure見open rice話嗰度地方好舒服，好食，所以去試下。一早講希望可以有將近窗嘅枱，間餐廳又唔喺坐滿人，甚至有張台個客遲左成40分鐘，餐廳点都唔肯俾張台我地。仲要態度唔良好同我地講。之後比張喺正Kitchen門口最暗，最大油煙末嘅我地。因為費事麻煩，唔想掃興，所以我只要求換枱，希望食物可以令到我地開心啲。點知食物一般，淡而無味。就連甜品雪糕，一句生日快樂都懶得寫。咁樣嘅餐廳都可以吸引到啲客人，我真係唔明白。