10
7
1
電話號碼
28853203
開飯介紹
為日本東京名店,是其首間海外分店。於餐廳內可180度飽覽維港的景色,環境十分舒適。主打日山A5黑毛和牛,提供壽喜燒、涮涮鍋、壽司、烏冬等菜餚。 繼續閱讀
營業時間
今日營業
12:00 - 15:00
18:00 - 23:00
星期一至五
12:00 - 15:00
18:00 - 23:00
星期六至日
11:30 - 15:00
18:00 - 23:00
付款方式
Visa Master AlipayHK 支付寶 現金 AE 銀聯
座位數目
75
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
電話訂座
外賣服務
加一服務費
當面支付
有關獎賞計劃
食評 (20)
等級3 2020-03-15
0 瀏覽
[🇭🇰香港- 尖沙咀].🔻香港新開壽喜燒店,總店係日本連續十幾年都係米芝蓮一星餐廳,但我就未係日本食過,所以冇得比較;晚餐有3個唔同嘅套餐,揀咗”竹”,前菜都已經用日山和牛炮製,再黎3件黑毛和牛壽司,之後就係今晚嘅重頭戲-壽喜燒,每人有2塊A5黑毛和牛西冷,店員會幫你燒埋,和牛夠嫩,但就未去到會入口即溶嘅級數同我覺得有少少overcook,要讚嘅係個甜甜地嘅醬汁鹹度啱啱好,點埋蛋漿,再連埋日本米一齊食,係幾正嘅!.🔻🍽 日山📌 地址: 尖沙咀廣東道3-27號海港城海運大廈3樓OTE302號舖. 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-14
97 瀏覽
雖然日山唔係平,但係自從兩星期前嚟過日山食之後,就一直對呢間餐廳念念不忘,所以今日又再一次嚟到日山。今次閒日食,所以好好彩咁早一至兩個星期喺openrice度訂位都訂到中午。店內裝潢設計都比人好舒服嘅感覺,木系design就係簡而美。無特別request過,不過今次店員亦都有留到海景位比我地。11月開店都以嚟,聽店員講今次係第一次轉Lunch menu。雖然多咗個限定十份嘅魚生飯,但我就麻麻地魚生飯,都係覺得舊menu係吸引過新Menu。本身一心諗住嚟試吓佢地嘅和牛牛𦟌濃湯稻庭烏龍,而家睇怕都要等晚市先至有機會試到啦。前菜嘅話就定咗係以下呢幾款:首先,一如既往,蒸物方面有茶碗蒸。感覺佢地咗啲高湯入去、再加啲蟹絲喺面頭咁樣。成個茶碗蒸好滑溜,味道不俗,滿分之後,仲有呢個新轉嘅味噌南瓜,南瓜好普通,味噌感覺係格硬令到個南瓜有味咁,唔係好明點解日山會將前菜轉做呢個有保留到落嚟嘅仲有呢個梅酒蕃茄,呢個真係好清甜好美味,酸酸地又幾清甜咁,食幾多都唔會夠!呢個嘅和牛係幾林身嘅,都幾好送飯!但係個燴汁就感覺普通。好食,但下次會想試吓其他嘢!之後仲有呢個銀鱈魚西京燒!由於未食過嘅關係,所以都有小小期待。平時食魚我就唔會食魚皮嘅,但係今次呢條銀鱈魚嘅魚皮都幾脆口,所以我都有食!同埋條魚煮得恰到好處,唔會太老,亦都好juicy!最後梗係唔小得甜品啦。甜品方面繼續都有柚子雪糕!好清新,仲有啲柚子粒嫁!唔係好覺得有平時食雪糕嗰種加工/肥膩感柚子粒清晰可見雖然今日食嘅主菜都唔錯,不過都係最推介大家如果第一次嚟日山食嘅話一定要食佢地嘅壽喜燒!! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-08
963 瀏覽
友人係日本愛好者 發現日山於海港城登陸 就即刻相約我一起試一試今日我們於午膳時間來到入到餐廳 先會經過煙霧離漫的竹林然後才能入座我們選擇了$438壽喜燒A5黑毛和牛西冷2片及野菜盛套餐配有小菜 前菜 蒸物及漬物外型精美 味道可口A5黑毛和牛西冷 油脂分布均勻 令人垂涎欲滴而且會有專人烹煮 完全不用自己動手與生蛋伴吃 入口即溶 整個味蕾都充滿和牛油脂及肉香 並配有栗子飯 絕對是畫龍點睛中午時段看着海 又能感受到太陽微溫 同時享受這個壽喜燒午餐絕對是愉快的中午 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-08
194 瀏覽
特別日子。梗係要食好啲啦。諗住。仲要好難book位。預早好多訂位不過我早到佢唔比我入。不過其實係有枱因為佢地有分唔同時段。間舖門口好靚佈置得好好。好有日本feel。入邊都好整齊。好有格調。但真係估唔到咁細。我諗20張枱都冇。好好佢安排左個窗口位比我。方向係唔錯。但景色比D欄杆遮遮地。建議上商場樓上平台影相超靚。佢有幾個唔同嘅menu全部都已經set好曬 今次揀咗個中價嘅。其實都算貴前菜~冷盤3小碟。都唔知食左D咩。有舊牛根 啫喱。超難食小食~和牛壽司3件。呢個反而幾ok。不過唔算好有驚喜。仲有個豚肉蘆筍。普通到唔普通主菜~ 和牛sukiyaki。加埋蛋漿真係非常之好味 但係做唔到入口即溶同埋好感動嘅感覺主食~凍/熱 烏冬。乜料都冇淨係得個烏冬。個湯好清。烏冬都算彈牙。但真係好普通甜品~紅豆雪糕+流心綠茶鐽環境:成個環境都好靚。服務都好好喎後仲有特別請咗個日本人過嚟煮和牛添食物:其實都唔係差。但咁嘅價錢。係有啲失望嘅總括:性價比極低。但無論環境服務都一流。不過我覺得唔值。唔會有下次 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-07
487 瀏覽
終於可以一嘗人氣米芝蓮日山壽喜燒,由於早一日打算訂座,發現已經full booking,唯有早小小去walk in當日6點左右就到,由於晚上訂枱人數眾多,所以只能夠食到8點,都夠時間晚市套餐有3款,由價錢最貴既松、中位價既竹同最平既梅今次我地就揀左$688既竹每次上菜店員都會用心講解食法同介紹菜式,服務一流前菜包括和牛筋凍煮配蜜糖芥末醬,日式蟹肉玉子燒配辣蘿蔔蓉同和牛紫蘇葉春卷第一次食牛筋凍煮,呈啫喱狀帶有淡淡肉香,口感獨特另外,和牛春卷既香脆又冇油膩既感覺A5黑毛和牛壽司三點盛,有北海道海膽、酸汁辣蘿蔔配火炙和牛和醬油漬三文魚籽三樣之中個人係火炙和牛,燒完之後牛味更重,加上辣蘿蔔沖繩黑毛豚肉溫野菜白煮豚肉配上大葱露荀,鮮甜而不膩A5日山黑毛和牛油花分佈平均有專人為你炮製壽喜燒煎至半熟既和牛沾上蛋汁,入口更滑溜和牛伴以甘甜既醬汁,和牛既濃郁油香,配搭時令蔬菜既鮮甜和牛湯稻庭烏東,滑溜溜架但個湯好似奶粉味,哈哈抹茶流心撻配紅豆雪糕 繼續閱讀
(以上食評乃用戶個人意見 , 並不代表OpenRice之觀點。)