影片
更多
2007-03-24
6 瀏覽
確實不愧為全港，甚至世界上其一最佳嘅法國餐廳...an unforgettable dining experience...景觀一流(整個維港烟花景)、service一流(waiters永遠係應該出現嘅時候出現)、食物水準之高，令人難以忘懷...餐前麵包以butter roll最出色，牛油香味四溢，基本上唔使塗牛油都已經夠晒香。連食幾個，面不改色...兩杯champagne by glass以小弟嘅 Don Perignon為佳，香且醇，一D都唔澀口...Hot appetizer當然以鴨肝為首。煎鴨肝伴砵酒汁配合得天衣無縫--- 鴨肝甘香豐腴，入口即溶之餘表面亦煎得微脆，且有鴨嘅獨有膻味，香而不膩，比鵝肝更勝一籌，難怪本土法國人對鴨肝情有獨鍾。伴碟嘅菠蘿片更可減輕油膩感，配合酒味剛好嘅sauce，完美...湯最便宜都要賣成二百大洋，嚇咗太座一跳，但一試之下，你就會知道係物有所值--- Black Truffle thick soup明符其實夠濃，黑松露菌嘅獨有香氣及味道確實無可代替；太座嘅鴨清湯配小鴨肝雲吞又係另一番光景--- 湯夠清，雲吞入面嘅鴨肝卻係味濃且滑，一濃一淡，卻又出奇地
an unforgettable dining experience...
景觀一流(整個維港烟花景)、service一流(waiters永遠係應該出現嘅時候出現)、食物水準之高，令人難以忘懷...
餐前麵包以butter roll最出色，牛油香味四溢，基本上唔使塗牛油都已經夠晒香。連食幾個，面不改色...
兩杯champagne by glass以小弟嘅 Don Perignon為佳，香且醇，一D都唔澀口...
Hot appetizer當然以鴨肝為首。煎鴨肝伴砵酒汁配合得天衣無縫--- 鴨肝甘香豐腴，入口即溶之餘表面亦煎得微脆，且有鴨嘅獨有膻味，香而不膩，比鵝肝更勝一籌，難怪本土法國人對鴨肝情有獨鍾。伴碟嘅菠蘿片更可減輕油膩感，配合酒味剛好嘅sauce，完美...
湯最便宜都要賣成二百大洋，嚇咗太座一跳，但一試之下，你就會知道係物有所值--- Black Truffle thick soup明符其實夠濃，黑松露菌嘅獨有香氣及味道確實無可代替；太座嘅鴨清湯配小鴨肝雲吞又係另一番光景--- 湯夠清，雲吞入面嘅鴨肝卻係味濃且滑，一濃一淡，卻又出奇地配合，完美...
main dishes係高潮所在。太座嘅法國海鱸伴black truffle sauce，以濃味嘅黑松露菌配上淡味嘅魚，可謂相得益彰；魚可以用兩個字形容--- 滑且鮮，一D腥味都冇。太座跟我餐後一致認為呢味嘢跟上次响西宛食過嘅蒸東星斑堪稱雙絕，係東西式魚類烹調技術嘅示範之作；小弟嘅焗全隻龍蝦伴小魷魚更係精彩--- 龍蝦有海水味，鮮、彈牙、texture有口感有層次，係海鮮烹調嘅另一示範作...
dessert當然係不可缺少嘅一環。太座嘅mango souffle夠滑；自己嘅chocolate ganache配咖啡碎冰更是精彩--- chocolate ganache朱古力味濃且滑，面頭嘅mousse食落好light，碎冰充滿咖啡味，另一完美甜品示範...
最後以一系列小點心及capuccino作終結...
貴是貴，但絕對物有所值...
係一生人必要去一次嘅餐廳...
亦係小弟第一次俾滿分嘅餐廳...
張貼
