影片
更多
2015-04-01
1176 瀏覽
係中環番工都有一段時間，但每次lunch time見到筷子記條人龍咁長，都會默默放棄lol 咁啱琴晚要開ot, 夜晚終於唔使等位，有機會試下呢間熱店～裝修同普通茶餐廳差唔多，唯一分別就係呢度播住懷舊金曲而且牆壁貼滿報紙雜誌既採訪喔，好有「香港仔」味道！款式選擇都算多，而且部份望落都幾特別喔！去到茶餐廳，點少得叫番杯凍檸茶！叫左個沙嗲汁撈粗麵（三餸）入面分別有瑞士雞翼、馬交魚羹（魚肉）同生菜。粗麵煮得太淋，咬落無乜口感。沙嗲汁味道唔係太過濃郁，都幾淡下，唔夠香又唔夠辣，偏水狀。本身對個魚羹都幾期待，但食落麻麻，無乜魚味、太淡，而且份量都幾少，成碟得三四舊。反而瑞士雞翼值得一讚，醃製得好入味，但又唔會過咸，Like!!埋單飲品加個麵都係$36，係中環用呢個價錢食個晚餐真係好抵食，但老實講，食物質素就有d失望。八點左右又出現左人龍喔！
裝修同普通茶餐廳差唔多，唯一分別就係呢度播住懷舊金曲而且牆壁貼滿報紙雜誌既採訪喔，好有「香港仔」味道！
款式選擇都算多，而且部份望落都幾特別喔！
去到茶餐廳，點少得叫番杯凍檸茶！
叫左個沙嗲汁撈粗麵（三餸）入面分別有瑞士雞翼、馬交魚羹（魚肉）同生菜。
粗麵煮得太淋，咬落無乜口感。沙嗲汁味道唔係太過濃郁，都幾淡下，唔夠香又唔夠辣，偏水狀。本身對個魚羹都幾期待，但食落麻麻，無乜魚味、太淡，而且份量都幾少，成碟得三四舊。反而瑞士雞翼值得一讚，醃製得好入味，但又唔會過咸，Like!!
埋單飲品加個麵都係$36，係中環用呢個價錢食個晚餐真係好抵食，但老實講，食物質素就有d失望。
八點左右又出現左人龍喔！
張貼
