響 - Hibiki 日本燒肉 (已結業)

今晚約左幾個號稱大胃王既朋友食飯，同佢地識左十幾年，基本上每次食飯都要食放題或者任飲任食既打邊爐先得，其實睇佢地不停咁食果個樣真係好開心，不過人大左就覺得就算任食都要食番d高質素既食物，上網搵左見到呢間評價唔錯就去試，我覺得佢絕對係香港最出色既任飲任食餐廳。餐廳位置好方便，喺佐敦地鐵站行5分鐘內就到，餐廳都乾淨企理，特別覺得牆上d毛筆字畫好有感覺。坐低無耐餐廳就先安排d拼盤俾我地，見道呢碟燒肉拼盤，我同我朋友都吞左啖口水，雙眼發光，因為我地都唔相信竟然任食既餐廳都會有d咁高質既肉提供，我想講真係全部都極高質，甚至俾出面唔係任食既更加出色，特別好鐘意個澳洲和牛胸腹同埋肉眼，肉汁juicy，滿有牛味，真係好出色。跟住就係海鮮拼盤，d海鮮真係新鮮都不得了，特別係隻蝦勁大隻，勁入味，d肉又爽又甜，成晚我都數唔到我食左幾多隻！之後既刺身又係見到都流口水，全部刺身都好新鮮，仲有好多款式可以選擇，最正就係d生蠔，又大隻又甜，我地食淨d蠔殼堆到成個山咁高😅之後讚不絕口既地方就係飲品果part, 我都係第一次見到有任飲任食既餐廳會提供梅酒清酒任飲，真係感覺到餐廳既用心之處，連酒都可以任飲，仲邊有得輸。甜