協奏坊西餐廳 (已結業)

聽不少網友講話呢到食自助晚餐抵食，上個月趁屋企人生日，一於黎呢到食返餐。又有魚生又有生蠔壽司，可惜生蠔每人每次只可以攞2隻，每次都要排好耐隊。至於其他沙律同海鮮，賣相相當唔錯。可惜MAIN COURSE方面選擇就實係過少啦，無咩飽肚野落肚。甜品方面就真係幾多野揀，仲有MOVENPICK雪榚，有4隻味之餘仲有埋CONE俾你揀，除此之外仲有麵包布丁，PANCAKE，芒果布丁，啫喱，蛋榚等等既甜品。食完甜品仲可以歎返杯咖啡或茶。咁多海鮮食既自助晚餐折實左之後每人都係300蚊鬆D，雖然LOCATION係差D，但係食品質數算唔錯架啦。