蜜庵本膳 (已結業)

唔係Open Rice睇到，都唔知呢到開咗間新嘅日式餐廳，仲主打班㦸添，所以即刻約咗同樣係班㦸愛好者嘅朋友一齊去試下餐廳都幾闊落，樓底又高，而且仲用木作為主調，所以感覺幾舒適我叫咗杯幾特別嘅野飲，應該算係熱嘅雞尾酒，呢杯焙茶甘酒拿鐵，用咗餐廳自家製嘅甘酒，飲落有濃濃焙茶嘅甘香，酒味唔太濃，都幾易入口，個人幾鍾意主菜方面，我揀咗呢個豚三味丼，除咗個飯之外，另外仲配埋麵豉湯同醃漬醬菜，呢個丼分別有三種煮法嘅豚肉，西京燒豚、豚角煮同燒黑豚腸，望黎望去，我都淨係見到兩種咋和，原來餐廳古惑咁將豚角煮收埋係白飯下面，只要撥開就會見到。西京豚燒係燒五花肉黎，味道燒得幾惹味，略厭有少少油膩；豚角煮用醬油熬製，所以好入味，不過質感就有啲啲韌；燒黑豚腸相信都係買現成嘅再加熱，幾多肉汁，都唔錯朋友就選擇咗唐揚雞腿肉配米粉班㦸，炸雞塊幾香脆，而且肉質都幾嫩，炸得啱啱好，個人鍾意連埋楓葉糖醬一齊食，鹹鹹甜甜，味道幾好，班㦸方面，唔知係咪因為用咗米粉，同時又無落嘅關係，班㦸嘅質感比較實，如果口感再軟身啲會更好由於鹹食已經食咗班㦸，所以甜品可以叫班㦸以外嘅野食，店員推介我地食雪糕，心諗雪糕之麻，有咩咁特別啊？但係我