滿記甜品 (已結業)

食完晚餐，係德福行下，見到有滿記甜品，就坐底左再食過。店鋪都算大，座位充足。最近想食焗西米布甸，見到有就即刻叫左個焗荔茸西米布甸。朋友叫左個芒果水滴布甸，係凍食，好快就到左。而個侍應就同我講焗布甸要等5分鐘，服務態度良好。5分鐘都算好快過，見到個布甸焗得金黃，入口係香濃既奶味，啲西米顆粒幼細，唔會太硬或太軟，好易入口，口感好滑，最為滋味既係中間既荔茸，甜度剛好，同啲西米布甸好夾，唔太膩，值得一試。