27
14
4
港鐵九龍灣站 B 出口, 步行約9分鐘 繼續閱讀
所有分店 (13)
電話號碼
24266733
營業時間
今日營業
11:00 - 23:00
星期一至日
11:00 - 23:00
付款方式
Visa Master 現金 八達通 銀聯 微信支付
座位數目
40
其他資料
加一服務費
食評 (56)
等級2 2019-09-21
193 瀏覽
今日family day,陪媽咪去咗食滿記,媽咪係一個好鍾意食甜品嘅人,我就麻麻哋鍾意食甜品,媽咪想食嘅話都間唔中陪下佢嘅~有一段時間冇黎滿記,見佢好似轉左個新餐牌,而家所有嘅order加$10就可以有芋圓食喇。平時食開椰汁紫米露嘅我,今次就順便加埋芋圓,睇吓味道如何。本身自己都鍾意食芋圓,去到台灣旅行嘅話一定會叫芋圓嚟食。本身呢我就叫咗凍嘅椰汁紫米露,但職員就俾咗熱嘅我,最後職員都好好肯換返一碗凍嘅椰汁紫米露俾我。啲芋圓好彈牙,好好食呀~ 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-13
155 瀏覽
食飽飯又想hea下時間就同frd去食埋個糖水,掛住個白雪黑珍珠,就情不自禁咁行左入滿記~除左白雪黑珍珠,今次叫左個椰汁紫米露。。。痴孖筋地難食勁漏,冇乜紫米,似飲緊椰汁,多過椰汁紫米露。。。佢d小丸子淋到一pat野咁,一d咬口都冇,真心 好!失!望!!!成碗野食完只係覺得好勁漏同滯好在 佢個白雪黑珍珠仲係一貫既水準~雖然佢都係用椰汁做底,但佢d奇異籽,同其他配料溝埋大大減低左個漏既level 所以最後既結論係以後都係叫返白雪黑珍珠算 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-23
202 瀏覽
星期六買左戲飛睇戲,睇戲前搵野食,德福商場好多食店價錢都唔平,但估唔到滿記糖水唔止得甜品,佢既意粉都非常唔錯。好喜歡呢個雞肉香草醬意粉,上面有好多松子仁,又香又好食。勁多香草,橄欖油份量剛好,雞肉都唔會覺得肥,仲啖啖肉又唔會鞋,只需幾十蚊老公食呢個秘製牛肋條意粉,佢就覺得一般,可能牛肋條份量滿足唔到佢既大食,但我都有食一點,味道都唔錯,牛肋條軟滑入味,幾十蚊算係唔錯了。當然忍唔住食甜品,唔想成日食凍野,餐牌又賣緊呢個蛋白杏仁茶,一於試下。杏仁茶一d都唔苦,好中意杏仁既味道蛋白好多,又好滑,食完好開心滿足 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-22
105 瀏覽
經過滿記,想食朋友曾介紹嘅芋圓甜品。特價嘅芋圓甜品有兩款,包括綠豆仙草芋圓同埋白雪仙草芋 ,都係29蚊。其他甜品亦都可以加十蚊,就會有芋圓。本身甜品包括一球芋頭雪糕,好可惜店員同我哋講冇雪糕 ,結果轉咗做西米。冇咗球雪糕 ,外表冇咁靚 。唔緊要,試一啖先!白雪仙草芋圓上面有芋圓仙草 、薏米、 紅豆等等。白雪仙草芋圓嘅白雪即係用雲呢拿冰碎塾底。溶咗之後 ,好似啲雲呢拿味嘅汁 ,令到成碗甜品嘅滑度提升。另一碗綠豆仙草芋圓就冇白雪 ,個底係一啲類似綠豆沙 加冰碎墊底 。白雪仙草芋圓會好食啲,因為整體上會比較香甜和滑口。如果下次食有翻雪糕就好了! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-19
56 瀏覽
見3:00幾係時候食下下午茶,就揀左滿記去食。見倒有個芒果窩夫就嗌左個黎試下。首先係即整既 所以上到枱仲係熱既脆既,加上雪糕,又冷又熱既感覺好正。唔會太大份女仔食完唔會有好大既飽腹感。推介! 繼續閱讀
(以上食評乃用戶個人意見 , 並不代表OpenRice之觀點。)